തിയേറ്ററുകള്‍ ഓണ തിരക്കിലാകും മുമ്പേ പ്രേക്ഷകരെ ചിരിപ്പിക്കാനും രസിപ്പിക്കാനുമായി “മാര്‍ഗ്ഗംകളി” എത്തുന്നു. ബിബിന്‍ ജോര്‍ജ്ജ് നായകനാകുന്ന ചിത്രം നാളെ തിയേറ്ററുകളിലെത്തും. ശ്രീജിത്ത് വിനയന്‍ സംവിധാനം ചെയ്യുന്ന ചിത്രം കോമഡിയും സസ്‌പെന്‍സും എല്ലാം കൂട്ടിയിണക്കുന്ന മാസ് എന്റര്‍ടെയിനറാണെന്ന് ട്രെയിലറില്‍ നിന്ന് മനസിലാകുന്നത്.
കുട്ടനാടന്‍ മാര്‍പാപ്പയ്ക്ക് ശേഷം ശ്രീജിത്ത് വിജയന്‍ സംവിധാനം ചെയ്യുന്ന ചിത്രമാണ് മാര്‍ഗംകളി. ബിബിന്‍ ജോര്‍ജ് നായകനായി എത്തുമ്പോള്‍ നമിത പ്രമോദ്, ഗൗരി കിഷന്‍, ബൈജു സന്തോഷ്, സിദ്ദിഖ്, ശാന്തികൃഷ്ണ, ഹരീഷ് കണാരന്‍, ധര്‍മ്മജന്‍ ബോള്‍ഗാട്ടി, ഹരീഷ് കണാരന്‍, ബിന്ദു പണിക്കര്‍, സുരഭി സന്തോഷ്, സൗമ്യാമേനോന്‍, ബിനു തൃക്കാക്കര എന്നിവര്‍ ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.
Read more
ലിസ്റ്റിന്‍ സ്റ്റീഫന്‍, ആല്‍വിന്‍ ആന്റണി എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ശശാങ്കന്‍ മയ്യനാടിന്റേതാണ് തിരക്കഥ. ചിത്രത്തിലെ ഗാനങ്ങള്‍ ഇതിനോടകം പ്രേക്ഷക ശ്രദ്ധ നേടിയിട്ടുണ്ട്. ബികെ ഹരിനാരായണനും അബീന്‍രാജിന്റെയും വരികല്‍ക്ക് ഗോപിസുന്ദറാണ് സംഗീതം നല്‍കിയിരിക്കുന്നത്. ഛായാഗ്രഹണം അരവിന്ദ് കൃഷ്ണ.
