‘എബ്രഹാം ഓസ്ലര്’ ചിത്രത്തിലെ മമ്മൂട്ടിയുടെ കാമിയോ റോള്‍ പ്രേക്ഷകര്‍ ഏറ്റെടുത്തതോടെ താരത്തിന്റെ ലുക്ക് പോസ്റ്റര്‍ പുറത്തുവിട്ട് നന്ദി അറിയിച്ച് അണിയറപ്രവര്‍ത്തകര്‍. ‘ഇന്തിയാവിന്‍ മാപെരും നടികര്‍..’ എന്ന ടാഗ് ലൈനോടെയാണ് പോസ്റ്റര്‍ പുറത്തുവിട്ടിരിക്കുന്നത്.
”എബ്രഹാം ഓസ്ലരിനെ ആവേശത്തോടെ സ്വീകരിക്കുന്ന പ്രേക്ഷകര്‍ക്കു നന്ദി.. ഓസ്‌ലര്‍നെ അവിസ്മരണീയം ആക്കിയ ഇന്ത്യയുടെ മഹാനടന്‍ മമ്മൂക്കയ്ക്കു നന്ദി..!” എന്നാണ് പോസ്റ്റര്‍ പങ്കുവച്ച് സംവിധായകന്‍ മിഥുന്‍ മാനുവല്‍ തോമസ് സോഷ്യല്‍ മീഡിയയില്‍ കുറിച്ചിരിക്കുന്നത്.
‘മമ്മൂക്കയുടെ എന്‍ട്രിയില്‍ തിയേറ്റര്‍ വെടിക്കും’ എന്നായിരുന്നു ചിത്രത്തിന്റെ പ്രമോഷനിടെ ജയറാം പറഞ്ഞത്. ഈ വാക്ക് അന്വര്‍ത്ഥമാക്കുന്ന മാസ് ഇന്‍ട്രോയാണ് ചിത്രത്തില്‍ മമ്മൂട്ടിക്ക്. പ്രേക്ഷക പ്രതികരണങ്ങളില്‍ നിന്നും അക്കാര്യം വ്യക്തമാണ്.
‘അഞ്ചാം പാതിര’ എന്ന ചിത്രത്തിന് ശേഷം മിഥുന്‍ ഒരുക്കിയ ഗംഭീര ചിത്രം എന്നാണ് തിയേറ്ററില്‍ നിന്ന് ഇറങ്ങുന്ന പ്രേക്ഷകര്‍ പറയുന്നത്. ജയറാമിനെ പ്രശംസിച്ചും ഒപ്പം മമ്മൂട്ടിയുടെ കാമിയോ റോളിനെ ആഘോഷിച്ചുമുള്ള കമന്റുകളാണ് സോഷ്യല്‍ മീഡിയയില്‍ നിറയുന്നത്.
Read more
ജയറാമിന്റെ മലയാളത്തിലേക്കുള്ള തിരിച്ചുവരവാണ് ഓസ്ലര് എന്നാണ് പ്രേക്ഷകര്‍ ഒന്നടങ്കം പറയുന്നത്. ”ആദ്യ പകുതിയില്‍ കാണിക്കുന്ന ഇന്‍വെസ്റ്റിഗേഷന്‍ നന്നായി പ്രസന്റ് ചെയ്തു. ജയറാമിന്റെ ചെയ്ഞ്ച് സ്വാഗതാര്‍ഹമാണ്. സെക്കന്‍ഡ് ഹാഫ് ആണ് എല്ലാം തീരുമാനിക്കുന്നത്” എന്നാണ് ഒരു കുറിപ്പ്.
