‘അനൂപേട്ടാ, പത്മ അഥവാ പൊട്ടിയാല് ങ്ങക്ക് എത്ര റുപ്യ പോകും” ‘പത്മ’ സിനിമയുടെ നായകനും സംവിധായകനും നിര്മാതാവുമൊക്കെയായ അനൂപ് മേനോനോട് നായികയായ സുരഭി ലക്ഷ്മിയുടെ ചോദ്യമാണ്. സിനിമയുടെ റിലീസ് തിയതി പ്രഖ്യാപിക്കുന്നതിനായാണ് ഇത്തരമൊരു വിഡിയോയുമായി അനൂപ് മേനോനും സുരഭി ലക്ഷ്മിയും എത്തിയത്.
സുരഭിയുടെ കുഴപ്പം പിടിച്ച ചോദ്യത്തിനുള്ള അനൂപ് മേനോന്റെ മറുപടിയും രസകരമായിരുന്നു. ”കിടപ്പാടം ഒഴിച്ച് സിനിമയില് നിന്നുണ്ടാക്കിയതെല്ലാം പോകും.”
നടനും സംവിധായകനുമായ അനൂപ് മേനോന് ആദ്യമായി നിര്മിക്കുന്ന സിനിമയാണ് പത്മ. അനൂപ് മേനോന് സ്റ്റോറീസിന്റെ ബാനറില് നിര്മിക്കുന്ന ചിത്രത്തില് അനൂപ് മേനോന്, സുരഭി ലക്ഷ്മി, ശങ്കര് രാമകൃഷ്ണന്, മെറീന മൈക്കിള് തുടങ്ങിയവര് അഭിനയിക്കുന്നു. കഥ, തിരക്കഥ, സംഭാഷണം അനൂപ് മേനോന്. ചിത്രം ജൂലൈ 15ന് തിയറ്ററുകളിലെത്തും
മഹാദേവന് തമ്പി ഛായാഗ്രഹണവും സിയാന് എഡിറ്റിംഗും നിര്വഹിക്കുന്നു. പ്രോജക്ട് ഡിസൈനര് ബാദുഷ, കലാസംവിധാനം ദുന്ദു രഞ്ജീവ്, പ്രൊഡക്ഷന് കണ്ട്രോളര് അനില് ജി, ഡിസൈന് ആന്റണി സ്റ്റീഫന്, പിആര്ഒ പി ശിവപ്രസാദ് എന്നിവരാണ് മറ്റ് അണിയറപ്രവര്ത്തകര്.
അനൂപ് മേനോന് സംവിധാനം ചെയ്യുന്ന രണ്ടാമത്തെ ചിത്രമാണ് ഇത്. അനൂപിന്റെ തന്നെ തിരക്കഥയില് ഒരുക്കിയ കിംഗ് ഫിഷ് ആണ് ആദ്യ ചിത്രം.