കോവിഡ് പ്രതിസന്ധി ലോകമെമ്പാടും തുടരവെ രാജ്യത്ത് ലോക്ഡൗണ്‍ നീളാനാണ് സാദ്ധ്യത. ഇതിനിടെ ഐഫോണില്‍ ചിത്രീകരിച്ച ഷോര്‍ട്ട് ഫിലിമുമായി ആന്‍ഡ്രിയ ജെര്‍മിയ. നടന്‍ ആദവ് കണ്ണദാസന്‍ സംവിധാനം ചെയ്യുന്ന “ലോക്ഡൗണ്‍” എന്ന ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ പുറത്തെത്തി.
കൊറോണയെ കുറിച്ചുള്ള പത്രക്കട്ടിങ്ങുകളുടെ ചിത്രമാണ് ഫസ്റ്റ്‌ലുക്ക് പോസ്റ്ററിലുള്ളത്. ലോക്ഡൗണ്‍ കാലത്തെ ഒരു വ്യക്തിയുടെ മാനസികാവസ്ഥയെ കുറിച്ചാണ് ഷോര്‍ട്ട് ഫിലിം എന്നാണ് ആദവ് ദ ഹിന്ദുവിനോട് പറഞ്ഞത്.
തങ്ങളെല്ലാവരും വീട്ടിലാണ് വീഡിയോ കോളിലൂടെ ഏകോപിപ്പിച്ചാണ് ഷോര്‍ട്ട് ഫിലിം ചിത്രീകരിച്ചതെന്നും ആദവ് വ്യക്തമാക്കി. നിതിന്‍ രാം ആണ് ഐഫോണില്‍ ഷൂട്ട് ചെയ്തിരിക്കുന്നത്. കാര്‍ത്തിക് എഡിറ്റ് ചെയ്ത്, ശിവയാണ് സൗണ്ട് ഇഫക്ട്‌സ് നല്‍കിയിരിക്കുന്നത്. ചിത്രം ബുധനാഴ്ച റിലീസ് ചെയ്യും.
Read more
https://www.instagram.com/p/B_e6FpUJDLd/
