'ആക്ടിംഗ് കരിയറിന്റെ വളർച്ചക്ക് ഞാൻ ഹോളിവുഡിലേക്ക് പോവുകയാണ്; അനന്യക്ക് നേരെ ട്രോളോട് ട്രോൾ

By
ന്യൂസ് ഡെസ്ക്
|

വിജയ് ദേവരുകൊണ്ട പ്രധാന കഥാപാത്രത്തിലെത്തിയ ലെെ​ഗർ പരാജയപ്പെട്ടതോടെ ചിത്രത്തിലെ അഭിനയത്തിന് ഏറ്റവുമധികം വിമർശനം ലഭിച്ചത് നായികയായെത്തിയ അനന്യ പാണ്ഡേക്കായിരുന്നു. അനന്യക്ക് അഭിനയിക്കാൻ അറിയില്ലെന്നും നെപ്പോട്ടിസം കാരണം മാത്രമാണ് ഇപ്പോഴും അവർ സിനിമ ഇൻഡസ്ട്രിയിൽ നിൽക്കുന്നതെന്നുമാണ് വിമർശകർ പറഞ്ഞത്.‘

ആക്ടിങ് കരിയറിന്റെ വളർച്ചക്ക് ഞാൻ ഹോളിവുഡിലേക്ക് പോവും,’ എന്ന ചിത്രത്തിലെ അനന്യയുടെ ഡയലോഗാണ് ഇപ്പോൾ ട്രോളുകളിൽ നിറയുന്നത്.ഇതിന്റെ വീഡിയോ ക്ലിപ്പ് സോഷ്യൽ മീഡിയയിൽ വെെറലായി മാറിക്കഴിഞ്ഞു. ജോക്ക് ഓഫ് ദി ഇയർ എന്നാണ് അനന്യയുടെ ഡയലോഗിനോട് നെറ്റിസൺസ് പ്രതികരിക്കുന്നത്.

സ്‌കാർലെറ്റ് ജോൺസണും എമ്മ വാട്ട്‌സണും ഇനി അനന്യയോട് കോമ്പീറ്റ് ചെയ്യേണ്ടി വരുമോയെന്നേ തുടങ്ങിയാണ് ട്രോളുകൾ.സിനിമ മൂലം ഉണ്ടായ നഷ്ടം സംവിധാകൻ പുരി ജഗനാഥ് നൽകണമെന്ന് ആവശ്യപ്പെട്ട് കഴിഞ്ഞ ദിവസം വിതരണക്കാർ രംഗത്ത് വന്നിരുന്നു.


അതേസമയം ലൈഗറിന്റെ പരാജയം അട്ടിമറിയാണെന്നാണ് പ്രമുഖ സൗത്ത് ഇന്ത്യൻ ഫിലിം ഡിസ്ട്രിബ്യൂട്ടർ വാറങ്കൽ ശ്രീനു പറഞ്ഞത്. ബോയ്‌കോട്ടുകൾ സിനിമയെ ആശ്രയിച്ച് കഴിയുന്ന പാവപ്പെട്ട കുടുംബങ്ങളെയാണ് ബാധിക്കുന്നതെന്നും അദ്ദേഹം പറഞ്ഞിരുന്നു.