ഏറെ പ്രേക്ഷക പ്രശംസ നേടിയ വാരിക്കുഴിയിലെ കൊലപാതകം എന്ന ചിത്രത്തിനു ശേഷം അമിത് ചക്കാലയ്ക്കല്‍ നായകനാകുന്ന പുതിയ ചിത്രമാണ് യുവം. ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ റിലീസ് ചെയ്തു. അഭിഭാഷകന്റെ വേഷത്തില്‍ അമിത് എത്തുന്ന ചിത്രത്തിന്റെ ഷൂട്ടിംഗ് കഴിഞ്ഞ ദിവസം പൂര്‍ത്തിയായിരുന്നു.
പിങ്കു പീറ്ററാണ് ചിത്രം സംവിധാനം ചെയ്യുന്നത്. നിര്‍മല്‍ പാലാഴി, അഭിഷേക് രവീന്ദ്രന്‍, ഇന്ദ്രന്‍സ്, സായികുമാര്‍, നെടുമുടി വേണു, കലാഭവന്‍ ഷാജോണ്‍, ജാഫര്‍ ഇടുക്കി, ചെമ്പില്‍ അശോകന്‍, ബൈജു ഏഴുപുന്ന, അനീഷ് ജി. േമനോന്‍, ജയശങ്കര്‍ എന്നിവരാണ് ചിത്രത്തിലെ മറ്റുതാരങ്ങള്‍.
Read more
സജിത് പുരുഷന്‍ ആണ് ഛായാഗ്രഹണം. സംഗീതം ഗോപിസുന്ദര്‍. വിന്‍സന്റ് കൊമ്പനെന്ന പള്ളിവികാരിയായി അമിത് എത്തിയ വാരിക്കുഴിയിലെ കൊലപാതകം ശ്രദ്ധിക്കപ്പെട്ടതുപോലെ ഈ ചിത്രവും മികച്ച സ്വീകാര്യത നേടുമെന്നാണ് പ്രതീക്ഷ.
