മാതൃദിനത്തില്‍ പെണ്‍കുഞ്ഞിനെ ദത്തെടുത്ത് നടി അഭിരാമി. കുഞ്ഞിനെ ദത്തെടുത്ത് താനും ഭര്‍ത്താവും അമ്മയും അച്ഛനും ആയിരിക്കുന്നു എന്നാണ് അഭിരാമി അറിയിച്ചത്. കല്‍ക്കി എന്നാണ് കുഞ്ഞിന്റെ പേരെന്നും ദത്തടുത്തിട്ട് ഒരു വര്‍ഷമായെന്നും അഭിരാമി അറിയിച്ചു.
”പ്രിയപ്പെട്ട സുഹൃത്തുക്കളെ, ഞാനും എന്റെ ഭര്‍ത്താവ് രാഹുലും കല്‍ക്കി എന്ന പെണ്‍കുഞ്ഞിന്റെ മാതാപിതാക്കളായത് ഏറെ സന്തോഷത്തോടെ അറിയിക്കുന്നു. കഴിഞ്ഞ വര്‍ഷമാണ് ഞങ്ങള്‍ മകളെ ദത്തെടുത്തത്. അത് ഞങ്ങളുടെ ജീവിതത്തെ എല്ലാ വിധത്തിലും മാറ്റിമറിച്ചു.”
”ഈ മാതൃദിനം ഒരു അമ്മയായി ആഘോഷിക്കാന്‍ കഴിഞ്ഞതില്‍ ഭാഗ്യവതിയാണ് ഞാന്‍. ഞങ്ങള്‍ ഈ പുതിയ കടമയിലേക്ക് കടക്കുമ്പോള്‍ നിങ്ങളുടെ അനുഗ്രഹവും പ്രാര്‍ത്ഥനയും ഞങ്ങളോടൊപ്പം ഉണ്ടാകണമെന്ന് അഭ്യര്‍ത്ഥിക്കുന്നു” എന്നാണ് അഭിരാമി കുറിച്ചത്.
View this post on Instagram
1999ല്‍ ഇറങ്ങിയ പത്രം എന്ന സിനിമയില്‍ ഒരു ചെറിയ വേഷത്തിലൂടെയാണ് അഭിരാമി അഭിനയത്തിലേക്ക് എത്തിയത്. പിന്നീട് മലയാളത്തിലും തമിഴിലും ശ്രദ്ധ നേടുകയായിരുന്നു. മില്ലേനിയം സ്റ്റാര്‍സ്, ഞങ്ങള്‍ സന്തുഷ്ടരാണ്, ശ്രദ്ധ, വാനവില്‍, വീരുമാണ്ടി എന്നിവ ശ്രദ്ധിക്കപ്പെട്ട ചിത്രങ്ങളാണ്.
Read more
2009ല്‍ ആണ് അഭിരാമിയും വിവാഹിതരായത്. ഹെല്‍ത്ത് കെയര്‍ ബിസിനസ്സ് കണ്‍സള്‍ട്ടന്റായ രാഹുല്‍ പവനന്‍ ആണ് ഭര്‍ത്താവ്. ഇരുവര്‍ക്കും കുഞ്ഞുങ്ങളില്ലായിരുന്നു. സുരേഷ് ഗോപിയും ബിജു മേനോനും ഒന്നിക്കുന്ന ‘ഗരുഡന്‍’ എന്ന ചിത്രത്തിലൂടെ വീണ്ടും സിനിമയില്‍ സജീവമാവുകയാണ് അഭിരാമി.
