ആദിക് രവിചന്ദ്രൻ സംവിധാനം ചെയ്ത ‘മാർക്ക് ആന്റണി’യിലെ ഗംഭീര പ്രകടനത്തിന് ശേഷം ‘ജിഗർതാണ്ട ഡബിൾ എക്സി’ലൂടെ വീണ്ടും പ്രേക്ഷക പ്രശംസ നേടുന്ന ശ്രദ്ധേയമായ പ്രകടനം കാഴ്ചവെച്ചിരിക്കുകയാണ് എസ്. ജെ സൂര്യ.
കാർത്തിക് സുബ്ബരാജ് സംവിധാനം ചെയ്ത ചിത്രത്തിൽ രാഘവ ലോറൻസും ഗംഭീര പ്രകടനമാണ് കാഴ്ചവെച്ചിരിക്കുന്നത്. സംവിധായകനായാണ് എസ്. ജെ സൂര്യ സിനിമ ലോകത്തേക്ക് കടന്നുവന്നത്. എന്നാൽ പിന്നീട് നടനായി മികച്ച പ്രകടനമാണ് എല്ലാ സിനിമകളിലൂടെയും എസ്. ജെ സൂര്യ പുറത്തെടുത്തത്.
കാർത്തിക് സുബ്ബരാജ് തന്നെ സംവിധാനം ചെയ്ത ‘ഇരൈവി’യിലെ അരുൾ എന്ന കഥാപാത്രം എസ്. ജെ സൂര്യയുടെ കരിയർ ബെസ്റ്റ് പെർഫോമൻസുകളിൽ ഒന്നാണ്.
If SJSuryah do a Multistarrer movie then the virdict is WINNER✅🔥
– Maanaadu
– Don
– MarkAntony
– And now #JigarthandaDoubleXUnlike other movies, JDX has explored his emotional side very well 👌👏 pic.twitter.com/ojLYQU1FEf
— AmuthaBharathi (@CinemaWithAB) November 10, 2023
അതുപോലെ തന്നെ എ. ആർ മുരുഗദോസ് സംവിധാനം ചെയ്ത ‘സ്പൈഡർ’ എന്ന സിനിമയിലെ സുടലൈ എന്ന സൈക്കോ കഥാപാത്രമായി മികച്ച പ്രകടനമാണ് എസ്. ജെ സൂര്യ കാഴ്ചവെച്ചത്.
Read more
‘മാനാടി’ലെ ഡി. എസ്. പി ധനുഷ്കോടി എന്ന കഥാപാത്രവും എസ്. ജെ സൂര്യയുടെ അഭിനയ പ്രതിഭയെ വിളിച്ചോതുന്നതാണ്. ഇത്തരത്തിൽ ഒരുപാട് മികച്ച കഥാപാത്രങ്ങളാണ് എസ്. ജെ സൂര്യ അവതരിപ്പിച്ചിട്ടുള്ളത്. ജിഗർതാണ്ട ഡബിൾ എക്സ് മികച്ച പ്രേക്ഷക പ്രതികരണവുമായി മുന്നേറുമ്പോൾ എസ്. ജെ സൂര്യയും കയ്യടി നേടുന്നുണ്ട്.
