ഒപ്പം പ്രവര്‍ത്തിക്കുന്നവരായും ആരാധകരുമായി ഹൃദയബന്ധം സൂക്ഷിക്കുന്നയാളാണ് നടന്‍ വിക്രം. താരം പങ്കെടുത്ത ഒരു വിവാഹ ചടങ്ങ് ആണ് സോഷ്യല്‍ മീഡിയയില്‍ ഇപ്പോള്‍ വൈറലാകുന്നത്. 40 വര്‍ഷത്തോളം വിക്രത്തിന്റെ വീട്ടുജോലിക്കാരനായി പ്രവര്‍ത്തിച്ച ഒളിമാരന്റെ മകന്‍ ദീപക്കിന്റെയും വര്‍ഷിണിയുടെയും വിവാഹത്തിന്റെ ദൃശ്യങ്ങളാണ് ശ്രദ്ധ നേടുന്നത്.
അടുത്തിടെയായിരുന്നു ഒളിമാരന്റെ മരണം. അദ്ദേഹത്തിന്റെ ഭാര്യ മേരിയും വിക്രമിന്റെ വീട്ടില്‍ ജോലി ചെയ്യുന്നുണ്ട്. തിരുപ്പോരൂര്‍ കന്ദസാമി ക്ഷേത്രത്തില്‍ നടന്ന ദീപക്കിന്റെയും വര്‍ഷിണിയുടെയും വിവാഹത്തിന് ചിയാന്‍ വിക്രം എത്തുകയും ചടങ്ങുകളില്‍ പങ്കാളിയാവുകയും ചെയ്തു.
ഇരുവര്‍ക്കും താലി എടുത്ത് നല്‍കിയതും വിക്രമായിരുന്നു. വിക്രത്തിന്റെ ആരാധകരും താരത്തിന്റെ ഫാന്‍സ് ക്ലബ് അംഗങ്ങളും വിവാഹത്തില്‍ പങ്കെടുത്തു. അതേസമയം കോബ്രയാണ് വിക്രത്തിന്റേതായി അവസാനം തിയേറ്ററുകളില്‍ എത്തിയത്.
தனது வீட்டில் 40 வருடமாக வேலை பார்த்து பணிப்பெண்ணின் இல்ல திருமண விழாவில் கலந்து கொண்ட சியான்@chiyaan today attended d wedding of Deepak wit Varshini & blessed d young couple. Deepak s d son of Mary, a member of d housekeeping section of #ChiyaanVikram‘s home for over 40 years. pic.twitter.com/GLegWfrkHs
— ᴅᴀᴠɪᴅ ᴀᴅᴀᴍ CVF (@David_AdamCVF) September 12, 2022
ക്രിക്കറ്റ് താരം ഇര്‍ഫാന്‍ പത്താന്റെ അരങ്ങേറ്റ സിനിമയായ കോബ്രയില്‍ മലയാളത്തില്‍ നിന്ന് റോഷന്‍ മാത്യുവും മിയ ജോര്‍ജും സര്‍ജാനോ ഖാലിദും പ്രധാന കഥാപാത്രങ്ങളായി എത്തിയിരുന്നു. ചിത്രത്തിന്റെ ഒരാഴ്ചത്തെ ആഗോള ഗ്രോസ് 63.5 കോടിയാണ്.
Read more
