പുതിയ ചിത്രം പ്രഖ്യാപിച്ച് രഞ്ജിത്ത് ശങ്കര്‍. ‘4 ഇയേഴ്സ്’ എന്നു പേരിട്ടിരിക്കുന്ന സിനിമയുടെ പ്രഖ്യാപനം രഞ്ജിത് തന്നെയാണ് സോഷ്യല്‍മീഡിയയിലൂടെ നടത്തിയത്. കോളേജ് ജീവിതം അടിസ്ഥാനമാക്കി ഗായത്രിയുടെയും വിശാലിന്റെയും കഥയാണ് 4 ഇയേഴ്സ് പറയുന്നത്.
‘4 ഇയേഴ്സ് ഗാത്രിയെയും വിശാലിനെയും കുറിച്ചാണ്. അവരുടെ കോളേജ് സൂര്യോദയങ്ങള്‍, കാന്റീനിലെ അസ്തമയങ്ങള്‍, ഹോസ്റ്റല്‍ രാത്രികള്‍’ രഞ്ജിത് ശങ്കര്‍ കുറിച്ചു. ചിത്രത്തിന്റെ ഫസ്റ്റലുക്ക് പോസ്റ്ററും പങ്കുവച്ചിട്ടുണ്ട്. ക്ലാസ് റൂം ആണ് പോസ്റ്ററിലുള്ളത്. ചിത്രത്തിലെ ഒരു സീനിന്റെ ചെറിയ വിവരണവും പോസ്റിലുണ്ട്. മൂന്ന് വര്‍ഷങ്ങളും പോസ്റ്ററില്‍ പരാമര്‍ശിച്ചിട്ടുണ്ട്. എന്താണെന്ന് വ്യക്തമല്ലെങ്കിലും ഇത് രണ്ടും പ്രേക്ഷരില്‍ ആകാഷയുണ്ടാക്കുന്നതാണ്.
ചിത്രത്തിന്റെ രചനയും രഞ്ജിത് ശങ്കര്‍ തന്നെയാണ്. മധു നീലകണ്ഠനാണ് ഛായാഗ്രണം. ശങ്കര്‍ വര്‍മ്മ ഗാനങ്ങള്‍ക്ക് സംഗീതം പകര്‍ന്നിരിക്കുന്നു. ശബ്ദമശ്രണം താപ്സ് നായിക് ആണ്. ഡ്രീംസ് ആന്‍ഡ് ബിയോണ്ടാണ് ഫോര്‍ ഇയേഴ്സ് അവതരിപ്പിക്കുന്നത്. ചിത്രത്തിലെ അഭിനേതാക്കളെക്കുറിച്ചുള്ള കൂടുതല്‍ വിവരങ്ങള്‍ പുറത്തുവിട്ടിട്ടില്ല.
Read more
ജയസൂര്യ നായകനായെത്തിയ ‘സണ്ണി’യാണ് രഞ്ജിത് ശങ്കര്‍ സംവിധാനം ചെയ്ത് പുറത്തിറങ്ങിയ അവസാന സിനിമ. ആമസോണ്‍ പ്രൈം വീഡിയോയിലൂടെയാണ് ചിത്രം പ്രദര്‍ശനത്തിന് എത്തിയത്. ഡ്രീംസ് ആന്‍ഡ് ബിയോണ്ടിന്റെ ബാനറില്‍ ജയസൂര്യയും രഞ്ജിത്ത് ശങ്കറും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. ജയസൂര്യയുടെ നൂറാമത്തെ ചിത്രം കൂടെയായിരുന്നു സണ്ണി.
