ശ്രീദേവിയെ വിവാഹം കഴിക്കാതിരുന്നതിന്റെ കാരണം വെളിപ്പെടുത്തി കമൽഹാസൻ. ഒരു കാലത്തെ സൂപ്പർ ഹിറ്റ് ജോഡികളായിരുന്നു ശ്രീദേവി-കമൽഹാസൻ കോംബോ. ജോഡികൾ മാത്രമല്ല അടുത്ത സുഹൃത്തുക്കൾ കൂടിയായിരുന്ന ഇരുവരും അന്ന് ഗോസിപ്പ് കോളങ്ങളിൽ ഇടം പിടിച്ചിരുന്നു. എന്നാൽ തങ്ങൾ അടുത്ത സുഹൃത്തുക്കൾ മാത്രമാണെന്ന് ഇരുവരും തെളിയിക്കുകയായിരുന്നു.
ഇപ്പോഴിതാ ഇരുവരും തമ്മിലുള്ള ബന്ധത്തെപ്പറ്റി കമൽഹാസൻ മുൻപ് പറഞ്ഞ വാക്കുകളാണ് വീണ്ടും സോഷ്യൽ മീഡിയയുടെ ശ്രദ്ധ നേടുന്നത്. തങ്ങളുടെ സൗഹൃദം കണ്ട് നിങ്ങൾക്ക് വിവാഹം കഴിച്ചു കൂടേയെന്ന് ശ്രീദേവിയുടെ അമ്മ പലപ്പോഴും തന്നോട് ചോദിച്ചിരുന്നു എന്നാണ് അന്ന് അദ്ദേഹം പറഞ്ഞത്.
ശ്രീദേവിയുടെ മരണ ശേഷം കമൽഹാസൻ തന്നെയാണ് ഇക്കാര്യം തുറന്ന് പറഞ്ഞത്. താൻ ഒരിക്കലും ശ്രീദേവിയെ അങ്ങനെ കണ്ടിട്ടില്ല. ശ്രീവേദിയുമായും അവരുടെ കുടുംബവുമായും അടുത്ത സൗഹൃദമായിരുന്നു തനിക്ക്. മകളെ വിവാഹം കഴിച്ചു കൂടേയെന്ന് ശ്രീദേവിയുടെ അമ്മ ഇടയ്ക്കിടെ ചോദിക്കുമായിരുന്നു. എന്നാൽ താൻ അതിന് സമ്മതം പറഞ്ഞില്ല.
തന്നെയും ശ്രീദേവിയെയും ചേർത്തുള്ള ഗോസിപ്പുകൾക്കെതിരെയും കമൽ ഹാസൻ ഒരിക്കൽ രംഗത്ത് വന്നിരുന്നു. അവൾ തന്റെ സഹോദരിയെ പോലെയാണ്. അവളുടെ അമ്മ സ്വന്തം കൈ കൊണ്ട് തനിക്ക് ഭക്ഷണം വാരിത്തന്നിട്ടുണ്ട്. തങ്ങളെ പറ്റി അനാരോഗ്യകരമായ ഗോസിപ്പുകളുണ്ടാക്കരുതെന്നായിരുന്നു കമൽ ഹാസൻ അന്ന് പറഞ്ഞത്. ശ്രീദേവിയുടെ മരണം വരെയും സർ എന്നായിരുന്നു കമൽ ഹാസനെ അഭിസംബോധന ചെയ്തത്.
Read more
കുടുംബാംഗത്തെ പോലെ കാണുന്ന ഒരാളെ എങ്ങനെ വിവാഹം കഴിക്കുമെന്നാണ് അന്ന് ശ്രീദേവിയുടെ അമ്മയോട് താൻ ചോദിച്ചതെന്നും കമൽഹാസൻ വ്യക്തമാക്കി. ബാല താരമായി സിനിമയിലേത്തിയ ശ്രീദേവിക്ക് ഒപ്പം നിരവധി ചിത്രങ്ങളിൽ കമലഹാസൻ അഭിനയിച്ചിട്ടുണ്ട്.
