പ്രേക്ഷകർക്ക് പ്രിയങ്കരിയായ താരമാണ് പ്രയാഗ മാർട്ടിൻ. ഹെയർസ്‌റ്റൈലിൽ കിടിലൻ മേക്കോവർ ലുക്കുകൾ നടത്താൻ ഇഷ്ടപ്പെടുന്ന താരമാണ് പ്രയാഗ. വ്യത്യസ്‍തമായ പല ലുക്കുകളും പരീക്ഷിക്കാറുള്ള താരത്തിന്റെ പുതിയ ലുക്കാണ് സോഷ്യൽ മീഡിയയിൽ വൈറലാകുന്നത്.

റിപ്പ്‌ഡ് ജീൻസും ടീ ഷർട്ടും കോട്ടും കൂളിംഗ് ഗ്ലാസും ധരിച്ചുള്ള പ്രയാഗയാണ് ചിത്രത്തിൽ പ്രത്യക്ഷപ്പെട്ടിരിക്കുന്നത്. വളരെ വേഗമാണ് ചിത്രങ്ങൾ സോഷ്യൽ മീഡിയയിൽ വൈറലായത്. പിന്നാലെ പ്രയാഗയുടെ പഴയ ചിത്രങ്ങളും ഇപ്പോഴുള്ളതും ചേർത്തുള്ള ഫോട്ടോകളും ചിലർ സോഷ്യൽ മീഡിയയിൽ പങ്കുവച്ചിട്ടുണ്ട്. ‘ഇത് വല്ലാത്തൊരു മാറ്റം ആയിപ്പോയി’ എന്നാണ് പലരും കമന്റിട്ടിരിക്കുന്നത്.

അതേസമയം, ഷൈൻ ടോം ചാക്കോ നായകനായ ഡാൻസ് പാർട്ടി, ധ്യാൻ ശ്രീനിവാസൻ നായകനായെത്തിയ ബുള്ളറ്റ് ഡയറീസ് എന്നിവയാണ് പ്രയാഗ മാർട്ടിന്റെ ഏറ്റവും ഒടുവിൽ റിലീസായ ചിത്രങ്ങൾ. ചിത്രം ഉടൻ ഒടിടിയിൽ സ്‌ട്രീമിംഗ് ചെയ്യുമെന്നാണ് വിവരം.