ടൊവിനോ തോമസിനെ പ്രധാന കഥാപാത്രമാക്കി വിനീത് കുമാർ സംവിധാനം ചെയ്ത ചിത്രം ഡിയർ ഫ്രണ്ടിന്റെ പ്രൊമോഷന്‍ വീഡിയോ ശ്രദ്ധ നേടുന്നു. നെറ്റ്ഫിളിക്‌സിലാണ് വീഡിയോ റിലീസ് ചെയ്ത്. ബെംഗളൂരുവിലെ ഏതാനും ചെറുപ്പക്കാരുടെ കഥ പറഞ്ഞ ചിത്രം ജൂണ്‍ പത്തിനായിരുന്നു തിയേറ്ററുകളിലെത്തിയത്. എന്നാൽ തിയേറ്ററില്‍ ചിത്രം നിരാശയാണുണ്ടാക്കിയത്. എന്നാലിപ്പോള്‍ ഒ.ടി.ടി റിലീസിന് പിന്നാലെ ചിത്രത്തിന് അഭിനന്ദന പ്രവാഹമാണ്.
ടൊവിനോ തോമസ്, വിനീത് കുമാര്‍, ദര്‍ശന, അര്‍ജുന്‍ എന്നിവര്‍ പങ്കെടുത്ത പ്രൊമോഷന്‍ വീഡിയോയിൽ ഓരോ ചോദ്യങ്ങള്‍ക്കും ഓരോരുത്തരുടെയും പേര് പറയുന്ന രീതിയിലാണ്. നെറ്റ്ഫ്‌ളിക്‌സിന്റെ യൂട്യൂബ് ചാനലിലാണ് വീഡിയോ അപ്‌ലോഡ് ചെയ്തിരിക്കുന്നത്. ലുക്കിനെ പറ്റി ഒട്ടും ചിന്തിക്കാത്തത് ആരാണെന്ന അവതാരകന്റെ അടുത്ത ചോദ്യത്തിന്. ടൊവിനോ ഒഴികെ എല്ലാവരും ദർശനയെയാണ് പറഞ്ഞത്.
ദർശന ഉറക്കത്തിൽ നിന്ന് എഴുന്നേറ്റാലും ഇതുപോലെ തന്നെയാണ് ഇരിക്കുന്നതെന്ന് ടൊവിനോ പറഞ്ഞു. നാച്ചുറൽ ആക്റ്റിങ് അങ്ങനെ വേണമെന്നാണ് ദർശന പറയുന്നതെന്നും ഉറങ്ങിയെഴുന്നേറ്റതു പോലെ വരും, ചിലപ്പോൾ കുളിക്കുക പോലുമില്ലെന്ന് സംവിധായകനായ വിനീതും പറഞ്ഞു. ഏറ്റവും ഉടായിപ്പ് ആരാണെന്ന ചോദ്യത്തിനും, ഏറ്റവും കൂടുതൽ ചളി അടിക്കുന്നത് ആരാണെന്ന ചോദ്യത്തിനും ബേസിലെന്നായിരുന്നു എല്ലാവരും ഒരേപോലെ പറഞ്ഞ ഉത്തരം.
Read more
ഭക്ഷണ ക്രമത്തില്‍ വിചിത്രമായ രീതികളുള്ളത് ആര്‍ക്കാണെന്ന ചോദ്യത്തിന് എല്ലാവരുടെയും ഉത്തരം ടൊവിനോ എന്നായിരുന്നു. ടൊവിനോ എല്ലാ ദിവസവും പിസാ ഹട്ടില്‍ പോയി ബാര്‍ബിക്യൂ ചിക്കന്‍ വിങ്‌സ് കഴിക്കുമെന്നായിരുന്നു വെന്നാണ് ദര്‍ശന പറഞ്ഞത്. രണ്ട് ചിക്കന്‍ വിങ്‌സ് വാങ്ങുമെന്നും ഒരെണ്ണം ഞങ്ങള്‍ക്ക് എല്ലാവര്‍ക്കും, ഒരെണ്ണം ടൊവിനോ തന്നെ കഴിക്കുമായിരുന്നെന്നും ദര്‍ശന പറഞ്ഞു.
