രേണു സുധിക്കെതിരെ നടക്കുന്ന വിമര്‍ശനങ്ങളോട് പ്രതികരിച്ച് നടി തെസ്‌നി ഖാന്‍. രേണുവിനെ പരിഹസിച്ചു കൊണ്ട് വീഡിയോ പകര്‍ത്തിയ യൂട്യൂബ് വ്‌ളോഗറെ വിമര്‍ശിച്ചു കൊണ്ടാണ് തെസ്‌നിയുടെ വാക്കുകള്‍. രേണുവിനെ പരിഹസിച്ച് കൊണ്ടുള്ള ക്യാപ്ഷനോടെ പങ്കുവച്ച വീഡിയോയിലാണ് തെസ്‌നി ഖാന്‍ കമന്റ് ചെയ്തത്.
”മഞ്ജു വാര്യരെ പോലെയുണ്ട് കാണാന്‍ എന്നു പറഞ്ഞപ്പോഴുള്ള രേണു സുധിയുടെ മറുപടി കേട്ടോ?” എന്ന ക്യാപ്ഷനോടെ എത്തിയ വീഡിയോയാണ് തെസ്‌നി വിമര്‍ശിച്ചത്. ”ഞാന്‍ ഒരുപാട് നാളായി രേണു സുധിയുടെ വീഡിയോ കാണുന്നു. അവര്‍ ജീവിച്ചു പൊയ്‌ക്കോട്ടെ. എന്തിനാ ഇങ്ങനെ എല്ലാവരും കളിയാക്കുന്നത്. കാണുന്നവര്‍ മാത്രം കാണുക, അല്ലാത്തവര്‍ അത് മാറ്റുക.”
”ഇപ്പോള്‍ എനിക്ക് പാവം തോന്നുന്നു, ആര്‍ക്കും അവര്‍ ശല്യം ആകുന്നില്ലല്ലോ. കാണാത്തവര്‍ കാണണ്ട. ഒരു മനുഷ്യനെ കളിയാക്കുന്നത് ദൈവത്തിന് പോലും ഇഷ്ടമില്ലാത്ത കാര്യമാണ്, അത് ഓര്‍ക്കുക” എന്നാണ് തെസ്‌നിയുടെ കമന്റ്. അതേസമയം, മഞ്ജു വാര്യരെ പോലെയുണ്ട് എന്ന് പറയുന്ന വീഡിയോയില്‍ രേണു സുധി പ്രതികരിക്കുന്നുമുണ്ട്.
”അയ്യോ അങ്ങനെ ഒന്നും പറയല്ലേ, ഞാന്‍ എവിടെ കിടക്കുന്നു. മഞ്ജു ചേച്ചിയൊക്കെ വലിയ വലിയ ആര്‍ട്ടിസ്റ്റാണ്. എനിക്കു വലിയ ഇഷ്ടമാണ് മഞ്ജു ചേച്ചിയെ” എന്നാണ് വീഡിയോയില്‍ രേണു പറയുന്നത്. തെസ്‌നി ഖാന്‍ മാത്രമല്ല, നിരവധി കമന്റുകളാണ് വ്‌ളോഗ്‌റെ വിമര്‍ശിച്ചു കൊണ്ട് യൂട്യൂബ് വീഡിയോക്ക് താഴെ എത്തുന്നത്.
View this post on Instagram
Read more
