“ഗപ്പി”യ്ക്ക് ശേഷം ജോണ്‍പോള്‍ സംവിധാനം ചെയ്യുന്ന ചിത്രമാണ് “അമ്പിളി”. സൗബിന് ഷാഹിര്‍ ടൈറ്റില്‍ റോളിലെത്തുന്ന ചിത്രം ഇതിനോടകം സിനിമാ പ്രേമികളുടെ പ്രീതി നേടിക്കഴിഞ്ഞു. ചിത്രത്തിന്‍ സൗബിന് നായികയായി എത്തുന്നത് പുതുമുഖം തന്‍വി റാമാണ്. മികച്ച നടനുള്ള അവാര്‍ഡ് കിട്ടിയടക്കമുള്ള സൗബിന്റെ നേട്ടങ്ങള്‍ ചിത്രത്തെ ഏറെ പോസിറ്റീവായി ബാധിച്ചിട്ടുണ്ടെന്നാണ് തന്‍വി പറയുന്നത്. ടീസറും പാട്ടുകള്‍ക്കും ലഭിക്കുന്ന സ്വീകാര്യത അത് ശരി വയ്ക്കുന്നതാണെന്നും തന്‍വി പറയുന്നു.
“സൗബിക്കയുടെ സുഡാനി ഫ്രം നൈജീരിയ റിലീസായ സമയത്താണ് അമ്പിളിയുടെ ഷൂട്ടിങ് തുടങ്ങുന്നത്. സുഡാനി ഫ്രം നൈജീരിയ വന്‍ ഹിറ്റായി, പിന്നീട് സൗബിക്ക അഭിനയിച്ച കുമ്പളങ്ങി നൈറ്റ്‌സും സൂപ്പര്‍ ഹിറ്റ്. മികച്ച നടനുള്ള സംസ്ഥാന അവാര്‍ഡും തുടര്‍ന്ന് കിട്ടി. ശരിക്കും സൗബിക്ക നടനെന്ന നിലയില്‍ ഉയരങ്ങള്‍ കീഴടക്കിയതിനൊപ്പം അമ്പിളി എന്ന സിനിമകൂടി വളര്‍ന്നെന്ന് എനിക്ക് തോന്നുന്നു. സൗബിക്കയുടെ നേട്ടങ്ങളെല്ലാം സിനിമയുടെയും മൈലേജ് കൂട്ടിയിട്ടുണ്ട്. സിനിമയിലേക്ക് തിരഞ്ഞെടുക്കപ്പെട്ട അതേ എക്‌സൈറ്റ്‌മെന്റോടെ ഞാന്‍ റിലീസിനും കാത്തിരിക്കുകയാണ്.” മാതൃഭൂമിയുമായുള്ള അഭിമുഖത്തില്‍ തന്‍വി പറഞ്ഞു.
Read more
ചിത്രത്തില്‍ അമ്പിളി എന്ന ക്യാരക്ടറായി സൗബിനെത്തുമ്പോള്‍ ടീന എന്ന കഥാപാത്രത്തെയാണ് തന്‍വി അവതരിപ്പിക്കുന്നത്. ഇരവരും ഒരുവരുംഒരുമിച്ച് പ്രത്യക്ഷപ്പെടുന്ന “ആരാധികേ…” എന്ന ഗാനം ഇതിനോടകം സോഷ്യല്‍ മീഡിയയില്‍ ശ്രദ്ധ നേടി കഴിഞ്ഞു. സൂരജ് സന്തോഷും മധുവന്തിയും ചേര്‍ന്ന് ആലപിച്ചിരിക്കുന്ന ഗാനത്തിന്റെ വരികള്‍ വിനായക് ശശികുമാറിന്റേതാണ്. വിഷ്ണു വിജയ്യുടേതാണ് സംഗീതം.
