ഒരു ദിവസം എല്ലാവരും വിവാഹിതരാവും, ഞങ്ങള്‍ അന്നേരവും അതുപോലെ ഉണ്ടാവും'; സോഷ്യല്‍ മീഡിയയില്‍ ചിമ്പുവിനെ ട്രോളിയവര്‍ക്ക് ശ്രീനിധിയുടെ മറുപടി

തമിഴ് സിനിമാലോകത്ത് ബാച്ചിലറായി തുടരുന്ന താരമാണ് ചിമ്പു. മുപ്പത്തൊന്‍പത് വയസുള്ള നടന്റെ വിവാഹത്തെ കുറിച്ച് പല വിധത്തിലുള്ള ഗോസിപ്പുകളും പ്രചരിച്ചിരുന്നു. ചിമ്പുവിന്റെ വീട്ടുകാര്‍ വിവാഹം സീരിയസായി തന്നെ നോക്കുന്നുണ്ടെന്ന് വന്നതോടെ ട്രോളന്മാരും രംഗത്തെത്തി. ചിലര്‍ ചിമ്പുവിന്റെ പേരിനൊപ്പം നടി ശ്രീനിധിയെ കൂടി ചേര്‍ത്താണ് പുതിയ ട്രോളുകള്‍ ഇറക്കിയിരിക്കുന്നത്. അത് മനസിലാക്കിയതോടെ കിടിലന്‍ മറുപടിയുമായി ശ്രീനിധിയും രംഗത്തെത്തി.

ചിമ്പു എന്ന് വിവാഹം കഴിക്കുമെന്ന ചോദ്യമാണ് കഴിഞ്ഞ കുറേ കാലമായി സോഷ്യല്‍ മീഡിയയിലൂടെ ഉയര്‍ന്ന് വരുന്നത്. അത് ട്രോളായി മാറി. ‘ഒരു ദിവസം എല്ലാവരും വിവാഹിതരാവും. ഞാനും ചിമ്പുവും മാത്രം അന്നേരവും അതുപോലെ ഉണ്ടാവും’ എന്നാണ് ട്രോളില്‍ പറയുന്നത്.

വികാരഭരിതനായി നില്‍ക്കുന്ന ചിമ്പുവിന്റെ മീമും അതില്‍ കൊടുത്തു. ഒപ്പം നടി ശ്രീനിധിയെ കൂടി ചേര്‍ത്തതിനാല്‍ ഇന്‍സ്റ്റാഗ്രാമിലൂടെ നടിയതിന് വിശദീകരണം നല്‍കി.ട്രോള്‍ ഷെയര്‍ ചെയ്തതിനൊപ്പം ‘അത് ശരിക്കും നന്നായി ഇരുന്നേനെ, പക്ഷേ എനിക്ക് മറ്റൊരാള്‍ ഉണ്ട്’ അതുകൊണ്ട് നടക്കില്ലല്ലോ എന്നാണ് ശ്രീനിധി പറഞ്ഞിരിക്കുന്നത്.