‘പഠാൻ’, ‘ജവാൻ’ എന്നീ രണ്ട് സിനിമകളിലൂടെ ഈ വർഷം ബോക്സ്ഓഫീസിൽ ഏറ്റവും കൂടുതൽ നേട്ടമുണ്ടാക്കിയ താരമാണ് ഷാരൂഖ് ഖാൻ. രാജ്കുമാർ ഹിരാനി സംവിധാനം ചെയ്യുന്ന ഏറ്റവും പുതിയ ചിത്രമായ ‘ഡങ്കി’യിലൂടെ വീണ്ടുമൊരു ബ്ലോക്ക്ബസ്റ്ററിനാണ് ഷാരൂഖ് ലക്ഷ്യമിടുന്നത്. ഡിസംബർ 22 നാണ് ചിത്രം റിലീസിനെത്തുന്നത്.
ഇപ്പോഴിതാ ഡങ്കിയെ പറ്റി സംസാരിക്കുകയാണ് ഷാരൂഖ് ഖാൻ. ഡങ്കിയിലെ ഏറ്റവും പുതിയ ഗാനത്തിന്റെ സ്നീക്ക് പീക്ക് പുറത്തുവിട്ടുകൊണ്ടാണ് ഷാരൂഖ് ഡങ്കിയെ പറ്റി സംസാരിച്ചത്.
“എല്ലാവരും ചോദിക്കുന്നു, ഡങ്കി എന്നതുകൊണ്ട് എന്താണ് അർത്ഥമാക്കുന്നത്? നിങ്ങളുടെ പ്രിയപ്പെട്ടവരിൽ നിന്ന് അകന്നുനിൽക്കുക, അതാണ് ഡങ്കി ഉദ്ദേശിക്കുന്നത്. നിങ്ങൾ അവരോടൊപ്പം കഴിയുമ്പോൾ, ആ നിമിഷം നിങ്ങളുടെ അവസാന കാലം വരെ നിലനിൽക്കും,” ‘ഓ മഹി’ ഇന്നു തന്നെ കേൾക്കൂ.” എന്നാണ് ഷാരൂഖ് എക്സിൽ കുറിച്ചത്.
Sab poochte hain Iss liye bata raha hoon. Dunki ka matlab hota hai apno se door rehna….aur jab apne paas ho toh bas lagta hai qayamat tak uske saath hi rahein. O Maahi O Maahi. Feel the love before sun sets on the horizon today.
Because everybody asks, what does Dunki mean?… pic.twitter.com/rvdUBaUWPL
— Shah Rukh Khan (@iamsrk) December 11, 2023
Read more
ഇന്ത്യൻ സിനിമയിൽ ആമുഖങ്ങൾ ആവശ്യമില്ലാത്ത സംവിധായകനാണ് രാജ്കുമാർ ഹിരാനി. ‘മുന്ന ഭായ് എംബിബിഎസ്’, ‘3 ഇഡിയറ്റ്സ്’,’പികെ’, എന്നീ മൂന്ന് ചിത്രങ്ങൾ മാത്രം മതി ഹിരാനിയിലെ പ്രതിഭയെ തിരിച്ചറിയാൻ. ഹിരാനിയുടെ കൂടെ ബോക്സ്ഓഫീസ് റെക്കോർഡുകൾ അടക്കിഭരിക്കുന്ന താരമായ ഷാരൂഖ് ഖാൻ കൂടി ചേരുമ്പോൾ ‘ഡങ്കി’ക്ക് കിട്ടുന്ന ഹൈപ്പ് ചെറുതല്ല.
