മഞ്ജു വാര്യരെ കേന്ദ്രകഥാപാത്രമാക്കി സനല് കുമാര് സംവിധാനം ചെയ്യുന്ന “കയറ്റം” പൂര്ത്തിയായി. സിനിമയുടെ ചിത്രീകരണത്തിനായി ഹിമാചലിലെ ഛത്രുവിലെത്തിയ മഞ്ജു അടങ്ങുന്ന സംഘം കനത്ത മഴയിലും മണ്ണിടിച്ചിലിലും ഒറ്റപ്പെട്ട സംഭവം വാര്ത്തയായിരുന്നു. ചിത്രം പൂര്ത്തിയായ വിവരം സനല് കുമാര് തന്നെയാണ് ഫെയസ്ബുക്കിലൂടെ പങ്കുവെച്ചത്.
സനല് കുമാറിന്റെ കുറിപ്പ്…
“അങ്ങനെ കയറ്റം ഷൂട്ട് കഴിഞ്ഞു. ജീവിതത്തിന്റെ ഒരു ഏട് എന്ന് വിളിക്കാവുന്നത്ര ഇഴുക്കമുള്ള ഒരു യാത്രയായിരുന്നു അത്. എന്താണ് സിനിമ എന്നതിനേക്കാള് എന്താണ് മനുഷ്യന് എന്ന് മനസിലാക്കാന് കഴിയുന്ന ഒരുപാട് സന്ദര്ഭങ്ങള് മുന്നില് കൊണ്ടുവെച്ച് കുരുക്കഴിച്ചുകൊണ്ട് സിനിമ സ്വയം രൂപം കൊള്ളുന്നത് ഞാനെന്റെ കാണ്ണാലെ കണ്ടു. ഈ സിനിമ മഞ്ജു വാര്യര് എന്ന അഭിനേത്രി കാരണം ഉണ്ടായതാണ്.. എന്നോ മനസ്സില് വന്നു മറന്നു തുടങ്ങിയിരുന്ന ഒരു കഥാതന്തു ആകസ്മികമായുണ്ടായ ഒരു സംഭാഷണത്തിനിടെ അവരോടു സൂചിപ്പിച്ചതാണ്. പിന്നെയെല്ലാം സംഭവിക്കുകയായിരുന്നു.”
“മൂന്നോ നാലോ ദിവസം കൊണ്ടാണ് എഴുതി തീര്ത്തത്.. ഒട്ടും അനുകൂലമല്ലാത്ത സാഹചര്യങ്ങളിലായിരുന്നു ഷൂട്ട്.. പക്ഷെ സിനിമ പൂര്ത്തിയാക്കി തിരിച്ചുപോകുമ്പോള് എല്ലാവരും സന്തുഷ്ടരായിരുന്നു. സ്നേഹവും മനുഷ്യപ്പറ്റും നിറഞ്ഞുനിന്ന ആ ദിനങ്ങള് ഒരു നൊസ്റാള്ജിയയാവും. ഈ യാത്രയില് കൂടെ നടന്ന എല്ലാവര്ക്കും നന്ദി.. ഈ സിനിമ തീര്ച്ചയായും ചന്ദ്രു സെല്വരാജ് എന്ന ക്യാമറാമാന്റെയും രതീഷ് എന്ന സംഗീത സംവിധായകന്റെയും വരവറിയിക്കും. എല്ലാവര്ക്കും നന്ദി.”
ചിത്രത്തിന്റെ രചനയും സനല്കുമാര് ശശരിധരന് തന്നെയാണ് നിര്വ്വഹിക്കുന്നത്. മഞ്ജു വാര്യരും ഷാജി മാത്യുവും അരുണ മാത്രുവ്യം ചേര്ന്നാണ് “കയറ്റം” നിര്മ്മിക്കുന്നത്. നിവ് ആര്ട് മൂവീസ്, മഞജു വാരിയര് പ്രൊഡക്ഷന്സ് എന്നീ ബാനറുകളുടെ കീഴിലാണ് ചിത്രം ഒരുങ്ങുന്നത്.