എറണാകുളം സൗത്ത് റെയില്‍വെ സ്റ്റേഷന്റേയും ബസ് സ്റ്റാന്റിന്റേയും ദയനീയാവസ്ഥ കണ്ട് നടന്‍ സന്തോഷ് കീഴാറ്റൂര്‍ പോസ്റ്റ് ചെയ്ത ഫെയ്‌സ്ബുക്ക് കുറിപ്പാണ് ഇപ്പോള്‍ ശ്രദ്ധയാകര്‍ഷിക്കുന്നത്.
റെയില്‍വേയില്‍ ട്രെയിന്‍ വരുന്നത് വരെ കാത്തിരിക്കാന്‍ വൃത്തിയുള്ള ഇടമോ ടോയ്ലെറ്റോ ഇല്ല. എന്തെങ്കിലും സംശയം ഉദ്യോഗസ്ഥന്മാരോടു ചോദിച്ചാല്‍ അവരുടെ തറവാട്ട് സ്വത്താണെന്നാ ചില സാറന്മാരുടെ വിചാരെന്നും സന്തോഷ് ഫേസ്ബുക്കില്‍ കുറിച്ചു.
രാത്രി ഉറക്കമൊഴിഞ്ഞ് ഡ്യൂട്ടി ചെയ്യുന്നതിനല്ലേ സര്‍ക്കാര്‍ ഇവര്‍ക്ക് ശമ്പളം നല്‍കുന്നതെന്നും താരം ചോദിക്കുന്നു. വോട്ടിനു വേണ്ടി സകല ജാതി,മത മേലാളന്മാരുടെ തിണ്ണ നിരങ്ങുന്നവര്‍ ഇതൊന്നും കാണില്ലെന്നും അദ്ദേഹം രൂക്ഷമായ ഭാഷയില്‍ വിമര്‍ശിച്ചു.
സന്തോഷ് കീഴാറ്റൂരിന്റെ ഫെയ്‌സ്ബുക്ക് കുറിപ്പ്
ERNAKULAM SOUTH RAILWAY STATION അതുപോലെ Ernakulam KSRTC Bus Stand….ഇത് രണ്ടും നന്നാവാന്‍ പാടില്ലാ എന്ന് ആര്‍ക്കാണ് ഇത്ര വാശി.. SouthRailwayStationil Train വരുന്നതുവരെ കാത്തിരിക്കാന്‍ വൃത്തിയുള്ള ഇടം , വൃത്തിയുള്ള Toilet കഷ്ടം..പരമ ദയനീയം.
എന്തെങ്കിലും സംശയം ഉദ്യോഗസ്ഥന്മാരോടു ചോദിച്ചാല്‍ അതോടെ തീര്‍ന്നു അവരുടെ തറവാട്ട് സ്വത്താണെന്നാ ചില സാറന്മാരുടെ വിചാരം അല്ല സാറന്മാരെ രാത്രി ഉറക്കമൊഴിഞ്ഞ് Duty ചെയ്യുന്നതിനല്ലെ സര്‍ക്കാര്‍ ശമ്പളം തരുന്നത്…. വേറൊരു വശത്ത് എല്ലാ വൃത്തിയോടും കൂടി കോടികള്‍ ചിലവിട്ട മെട്രോ സ്റ്റേഷന്‍……
Read more
NB: 5.15 AM ട്രെയിനില്‍ യാത്രചെയ്യുവാന്‍ 4 മണിക്ക് എത്തി വൃത്തിയോടെ ഇരിക്കാന്‍ ഒരു ഇരിപ്പിടം കിട്ടാതെ വലയുന്ന ഒരു പൗരന്റെ രോദനം…വോട്ടിനു വേണ്ടി സകല ജാതി,മത മേലാളന്മാരുടെ തിണ്ണ നിരങ്ങുന്നവര്‍ ഇതൊന്നും കാണില്ല… കൂകി പായും തീവണ്ടി കൂകി പായും തീവണ്ടി കൂകി പായും തീവണ്ടി.
