ഈയടുത്ത ദിവസമാണ് ‘നീലവെളിച്ച’ത്തിലെ ‘അനുരാഗ മധുചഷകം’ എന്ന ഗാനം പുറത്തുവന്നത്. ഗാനരംഗത്തിലെ നടി റിമ കല്ലിങ്കലിന്റെ പ്രകടനം ഏറെ ശ്രദ്ധ നേടിയിരുന്നു. ഭാര്‍ഗവി എന്ന കഥാപാത്രമായാണ് റിമ ചിത്രത്തില്‍ വേഷമിടുന്നത്. തന്റെ കഥാപാത്രത്തെ കുറിച്ചും സിനിമയെ കുറിച്ചും തുറന്നു പറഞ്ഞിരിക്കുകയാണ് റിമ ഇപ്പോള്‍.
ഈ ആശയവുമായി ആഷിഖ് ഇത്രയും കാലം അലയുകയായിരുന്നു. കഴിഞ്ഞ ഏഴ് മാസക്കാലമായി ഈ സിനിമയ്ക്ക് വേണ്ടി തങ്ങള്‍ സ്വയം സമര്‍പ്പിച്ചിരിക്കുകയാണ്. മഹാന്മാരായ കലാകാരന്മാര്‍ ചെയ്തതു പോലെ ഒരിക്കലും തങ്ങള്‍ക്ക് ചെയ്യാന്‍ കഴിയില്ല.
എന്നാല്‍ കഴിയുന്നത് എല്ലാം സിനിമയ്ക്ക് നല്‍കി. നീലവെളിച്ചത്തിന്റെ കഥ ഒറിജിനലിനോട് പൂര്‍ണ്ണമായും ചേര്‍ന്ന് നില്‍ക്കുന്നതാണ്. മഹാന്മാര്‍ ചെയ്ത് വച്ചിരിക്കുന്നത് തങ്ങള്‍ മോശമാക്കില്ല എന്ന് ഉറപ്പുണ്ട്. ഒരു നടി എന്ന നിലയില്‍, അഭിനയത്തില്‍ താന്‍ കൊണ്ടുവരാന്‍ ആഗ്രഹിച്ച ചെറിയ ചില സൂക്ഷമതകള്‍ പോലും ഭാര്‍ഗവി എന്ന കഥാപാത്രത്തിനുണ്ട്.
ഇങ്ങനെയൊരു കഥാപാത്രം ചെയ്യുന്നത് ഒരു അനുഗ്രഹമായി കാണുന്നു. എല്ലാ സ്ത്രീകള്‍ക്കും മനസിലാക്കാന്‍ കഴിയുന്ന കഥാപാത്രമാണ് ഭാര്‍ഗവി. അവളുടെ സ്‌നേഹം, വേദന, തകര്‍ച്ച എന്നിങ്ങനെ. ആവര്‍ത്തിച്ചു വരുന്ന കഥാപാത്രങ്ങള്‍ ചെയ്ത് തനിക്ക് മടുത്തിരുന്നു എന്നാണ് റിമ പറയുന്നത്.
Read more
ഒപിഎം സിനിമാസിന്റെ ബാനറില്‍ ആഷിഖ് അബു, റിമ കല്ലിങ്കല്‍ എന്നിവരാണ് നീലവെളിച്ചം നിര്‍മ്മിക്കുന്നത്. ഋഷികേശ് ഭാസ്‌ക്കരനാണ് ചിത്രത്തിന്റെ അധികതിരക്കഥ എഴുതിയിരിക്കുന്നത്. സജിന്‍ അലി പുലാല്‍ അബ്ബാസ്പുതുപ്പറമ്പില്‍ എന്നിവരാണ് സഹനിര്‍മാതാക്കള്‍.
