കാർത്തിക് സുബ്ബരാജ് സംവിധാനം ചെയ്ത ഏറ്റവും പുതിയ ചിത്രം ‘ജിഗർതാണ്ട ഡബിൾ എക്സ്’ മികച്ച പ്രേക്ഷക പ്രതികരണങ്ങളുമായി തിയേറ്ററുകളിൽ പ്രദർശനം തുടരുകയാണ്. സിനിമ രംഗത്തു നിന്നുള്ള ഒരുപാട് പേരാണ് ചിത്രത്തിന് പ്രശംസകളുമായി എത്തിയത്.
ഇപ്പോഴിതാ സൂപ്പർ താരം രജനികാന്ത് ശിനിമയെ പ്രശംസിച്ച് രംഗത്തെത്തിയിരിക്കുകയാണ്. “12 വർഷത്തിലൊരിക്കൽ പൂക്കുന്ന നീലക്കുറിഞ്ഞി പോലൊരു സിനിമ . സിനിമാ ആരാധകർ മുമ്പൊരിക്കലും അനുഭവിക്കാത്ത പുതുമയുള്ള കാഴ്ചാനുഭവം. കാർത്തിക് സുബ്ബരാജിന്റെ അദ്ഭുതമായ നിർമിതി. വ്യത്യസ്തമായ കഥയും പശ്ചാത്തലവും. രാഘവാ ലോറൻസിന് ഇങ്ങനെയൊക്കെ അഭിനയിക്കാനാവുമോ എന്ന അദ്ഭുതം മനസിലുണ്ടാക്കി. വില്ലനും കൊമേഡിയനും ക്യാരക്റ്ററും കലർന്ന വേഷമായിരുന്നു എസ്.ജെ. സൂര്യയുടേത്.” എന്നാണ് രജനികാന്ത് ജിഗർതാണ്ട ഡബിൾ എക്സ് ടീമിന് അയച്ച കത്തിൽ പറയുന്നത്.
When Thalaivar said….
“For my boys” ❤️#JigarthandaDoubleX
Love you Thalaivaaa ❤️❤️ pic.twitter.com/bkNtkedlyU
— karthik subbaraj (@karthiksubbaraj) November 14, 2023
കാർത്തിക് സുബ്ബരാജ് തന്നെയാണ് രജനികാന്തിന്റെ കത്ത് എക്സിൽ പങ്കുവെച്ചത്. മുൻപ് സംവിധായകൻ ശങ്കറും, നടൻ ധനുഷും നിർമ്മാതാവ് വിഗ്നേശ് ശിവനും ചിത്രത്തെ പ്രശംസിച്ച് രംഗത്തുവന്നിരുന്നു.
Thanks a lot Thalaivaa for showering your Love and Praises to #JigarthandaDoubleX 🙏🏼🙏🏼🙏🏼
Your one hour long conversation with us gave me and the whole team such a Positive vibe n aura sir……
Loads of Love to you Thalaivaa from team #JigarthandaXX pic.twitter.com/xvrwSHokAu
— karthik subbaraj (@karthiksubbaraj) November 15, 2023
Read more
നിമിഷ സജയൻ, ഷൈൻ ടോം ചാക്കോ എന്നിവരും ചിത്രത്തിൽ പ്രധാനവേഷത്തിലെത്തുന്നുണ്ട്. ആദ്യ ഭാഗമായ ‘ജിഗർതാണ്ട’യ്ക്ക് മികച്ച പ്രേക്ഷക- നിരൂപക പ്രശംസകളാണ് കിട്ടിയത്.
