ഒരൊറ്റ കണ്ണിറുക്കലിലൂടെ ലക്ഷകണക്കിന് ആരാധകരെ സ്വന്തമാക്കിയ താരമാണ് പ്രിയ വാര്യർ. ഒമർ ലുലുവിന്റെ ‘ഒരു അഡാറ് ലവ്’ എന്ന ചിത്രത്തിലൂടെയാണ് താരം മാണിക്യ മലരായ പൂവി എന്ന ഗാനത്തിലൂടെ ശ്രദ്ധേയയായത്. ഇതോടെ പ്രിയ ലോകശ്രദ്ധ നേടുകയായിരുന്നു. ഇപ്പോഴിതാ താരത്തിന്റെ പഴയ ഒരു സംഗീത കച്ചേരി വീഡിയോയാണ് വൈറലാകുന്നത്.
2018ലെ ചെമ്പൈ സംഗീതോത്സവത്തിൽ കച്ചേരി നടത്തുന്ന പ്രിയയുടെ വീഡിയോയാണ് ആരാധകർ ഏറ്റെടുത്തിരിക്കുന്നത്. അഭിനയം വിട്ട് പാട്ടിൽ ശ്രദ്ധിച്ചാൽ നന്നായിരിക്കുമെന്നും പാടുന്നത് കണ്ട് അത്ഭുതപ്പെട്ടു എന്നുമൊക്കെയുള്ള കമന്റുകളാണ് വീഡിയോയ്ക്ക് താഴെ ഉള്ളത്. നിരവധി പേരാണ് പ്രിയയെ പ്രശംസിച്ചും എത്തിയിരിക്കുന്നത്.
പ്രമുഖ കർണാടകസംഗീതജ്ഞനായിരുന്ന ചെമ്പൈ വൈദ്യനാഥ ഭാഗവതരുടെ സ്മരണക്കായി ഗുരുവായൂർ ദേവസ്വം സംഘടിപ്പിക്കുന്ന വാർഷിക സംഗീതോത്സവമാണ് ചെമ്പൈ സംഗീതോത്സവം.
Read more
സൂരജ് വർമ്മ സംവിധാനം നിർവഹിച്ച ‘കൊള്ള’ ആണ് പ്രിയയുടേതായി അവസാനം പുറത്തിറങ്ങിയ ചിത്രം. രണ്ടു പെൺകുട്ടികളെ കേന്ദ്രകഥാപാത്രമാക്കി ത്രില്ലർ ജോണറിൽ ആണ് ചിത്രം ഒരുക്കിയിരിക്കുന്നത്. രജിഷ വിജയൻ, പ്രിയ വാരിയർ, വിനയ് ഫോർട്ട് എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്.
