ജയറാം സുരേഷ് ഗോപി എന്നിവരെ കേന്ദ്ര കഥാപാത്രമാക്കി സിബി മലയിൽ ഒരുക്കിയ സൂപ്പർ ഹിറ്റ് ചിത്രമായിരുന്നു ‘സമ്മർ ഇൻ ബത്‌ലഹേമം. മികച്ച പ്രേക്ഷക സ്വീകാര്യത നേടിയ ചിത്രത്തിന്റെ രണ്ടാം ഭാഗം വരുന്നു എന്ന വാർത്ത സോഷ്യൽ മീഡിയയിലടക്കം സജീവമായി മാറിയിരുന്നു. ഇപ്പോഴിതാ ചിത്രത്തിന്റെ രണ്ടാം ഭാഗത്തെപ്പറ്റി സംവിധായകനായ സിബി മലയിൽ പറഞ്ഞ വാക്കുകളാണ് ശ്രദ്ധയമാകുന്നത്.
തന്റെ ഏറ്റവും പുതിയ ചിത്രമായ കൊത്തിന്റെ പ്രമോഷന്റെ ഭാഗമായി മാതൃഭൂമി ഡോട്ട്‌കോമിന് നൽകിയ അഭിമുഖത്തിനിടെയാണ് അദ്ദേഹം ഇക്കാര്യത്തെ കുറിച്ച് സംസാരിച്ചത്. സമ്മര്‍ ഇന്‍ ബത് ലഹേമിന്റെ രണ്ടാം ഭാഗത്തെപ്പറ്റി ഇപ്പോള്‍ താൻ ചിന്തിക്കുന്നില്ലെന്നും. നല്ലൊരു കഥ വന്നാല്‍ അപ്പോള്‍ നോക്കാം എന്നുമാണ് അദ്ദേഹം പറ‍ഞ്ഞത്.
നീണ്ട ഇടവേളയ്ക്ക് ശേഷം സിബി മലയില്‍ തിരിച്ച് വരവ് നടത്തുന്ന ചിത്രമാണ് കൊത്ത്. ആസിഫ് അലിയെ നായകനായി എത്തുന്ന ചിത്രത്തിൽ നിഖില വിമലാണ് നായികയായെത്തുന്നത്. രാഷ്ട്രീയ കൊലപാതകങ്ങള്‍ക്കിടയില്‍ അറിയാതെ പോകുന്ന മനുഷ്യരുടെ പ്രശ്‌നങ്ങളാണ് കൊത്ത് എന്ന സിനിമയിലൂടെ പറയാന്‍ ശ്രമിക്കുന്നതെന്നാണ് ചിത്രത്തെ കുറിച്ച് സിബി മലയില്‍ പറയുന്നത്.
Read more
ഹേമന്ദ് കുമാറാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഗോള്‍ഡ് കോയിന്‍ മോഷന്‍ പിക്ചര്‍ കമ്പനിയുടെ ബാനറില്‍ രഞ്ജിത്തും പി.എം. ശശിധരനും ചേര്‍ന്നാണ് നിര്‍മ്മാണം. ചിത്രം 16-ന് തിയേറ്ററുകളില്‍ എത്തുന്നത്.
