നിവിൻ പോളിയെ നായകനാക്കി രാജീവ് രവി സംവിധാനം ചെയ്യുന്ന ചിത്ര തുറമുഖത്തിന്റെ റിലീസുമായി ബന്ധപ്പെട്ട് അനിശ്ചിതത്വം തുടരവേ വിഷയത്തില്‍ ആദ്യമായി പ്രതികരിച്ച് നടന്‍ നിവിന്‍ പോളി. മഹാവീര്യര്‍ സിനിമയുടെ പ്രമോഷനുമായി ബന്ധപ്പെട്ട് മനോരമ ന്യൂസിന് നല്‍കിയ അഭിമുഖത്തിലായിരുന്നു തുറമുഖം സിനിമയെ കുറിച്ച് നിവിന്‍ സംസാരിച്ചത്.
സിനിമ എന്ന് റീലീസിനെത്തുമെന്ന് തനിക്ക് അറിയില്ലെന്നും ഫിനാന്‍ഷ്യല്‍ സെറ്റില്‍മെന്റുമായി ബന്ധപ്പെട്ട ചില പ്രശ്‌നങ്ങള്‍ നിലവിലുണ്ടെന്നുമാണ് നിവിൻ പറഞ്ഞത്. കോവിഡ് കാലത്ത് നിവിന്റേതായി തിയേറ്ററിലും ഒ.ടി.ടിയിലും സിനിമകള്‍ ഉണ്ടായില്ലല്ലോ എന്ന അവതാരകന്റെ ചോദ്യത്തിനായിരുന്നു നിവിന്റെ മറുപടി.
പ്രേക്ഷകരെ സംബന്ധിച്ച് സിനിമ തിയേറ്ററില്‍ വരിക അല്ലെങ്കില്‍ ഏതെങ്കിലും പ്ലാറ്റ്‌ഫോമില്‍ വന്ന് കാണാന്‍ പറ്റുക എന്നത് തന്നെയാണ്. എന്റെ കാര്യത്തില്‍ ഏറ്റവും ഒടുവില്‍ വന്ന ചിത്രം മൂത്തോന്‍ ആണ്. പിന്നെ ഇറങ്ങാന്‍ ഇരുന്നത് തുറമുഖമായിരുന്നു.
Read more
തുറമുഖം പല കാരണങ്ങളാല്‍, ചില ഫിനാന്‍ഷ്യല്‍ സെറ്റില്‍മെന്റ് പ്രശ്‌നങ്ങളാല്‍ ഇങ്ങനെ നീണ്ടുപോയിക്കൊണ്ടിരിക്കുന്ന ഒരു സാഹചര്യമാണ് ഇപ്പോള്‍ കാണുന്നത്. അത് ഇനി എന്ന് ഇറങ്ങുമെന്നുള്ള കാര്യത്തിനെ കുറിച്ച് തനിക്കറിയില്ല. ബാക്കിയെല്ലാം താന്‍ അഭിനയിച്ചുകൊണ്ടിരിക്കുന്ന സിനിമകളെന്നും, വരും മാസങ്ങളില്‍ അതൊക്കെ ഇനി ബാക്ക് ടു ബാക്ക് വരുമായിരിക്കുമെന്നും നിവിന്‍ പറഞ്ഞു.
