ക്ലബ് ഹൗസ് ആപ്പ് ആപ്പ് ജനപ്രിയമായതോടെ നിരവധി താരങ്ങളുടെ വ്യാജ അക്കൗണ്ടുകളാണ് പ്രചരിച്ചു കൊണ്ടിരിക്കുന്നത്. പലരും ഇതിനെതിരെ രംഗത്തെത്തിയിരുന്നു. തന്റെ പേരിലുള്ള വ്യാജ അക്കൗണ്ടിനെതിരെ രംഗത്തെത്തിയിരിക്കുകയാണ് നടന് നിവിന്‍ പോളി.
“”സുഹൃത്തുക്കളെ, ഞാന്‍ ക്ലബ് ഹൗസിലില്ല. എന്റെ പേരില്‍ കാണുന്ന ഈ അക്കൗണ്ടുകളെല്ലാം വ്യാജമാണ്. ഞാന്‍ പുതിയ സോഷ്യല്‍ മീഡിയ അക്കൗണ്ട് തുടങ്ങുകയാണെങ്കില്‍ നിങ്ങളെ അറിയിച്ചിരിക്കും”” എന്ന് നിവിന്‍ ഫെയ്‌സ്ബുക്കില്‍ കുറിച്ചു.
വ്യത്യസ്ത പ്രൊഫൈല്‍ ഫോട്ടകളുമായി ആറോളം അക്കൗണ്ടുകളുടെ സ്‌ക്രീന്‍ ഷോട്ടാണ് പങ്കുവച്ചിരിക്കുന്നത്. സുരേഷ് ഗോപിയടക്കം നിരവധി താരങ്ങളാണ് തങ്ങളുടെ പേരിലുള്ള വ്യാജ അക്കൗണ്ടുകള്‍ക്കെതിരെ രംഗത്തെത്തിയത്.
ദുല്‍ഖര്‍ സല്‍മാന്‍, പൃഥ്വിരാജ്, ആസിഫ് അലി, ടൊവിനോ തോമസ്, ഉണ്ണി മുകുന്ദന്‍, ജോജു ജോര്‍ജ് തുടങ്ങിയ താരങ്ങള്‍ കഴിഞ്ഞ ദിവസങ്ങളില്‍ വ്യാജ അക്കൗണ്ടുകളുടെ സ്‌ക്രീന്‍ ഷോട്ട് പങ്കുവച്ച് എത്തിയിരുന്നു. തന്റെ അഭിമുഖങ്ങളിലെ ശബ്ദമാണ് ഇതില്‍ ഉപയോഗിക്കുന്നതെന്നും ഉണ്ണി മുകുനന്ദന്‍ വ്യക്തമാക്കിയിരുന്നു.
