യു പിയിലെ ലൗ ജിഹാദ് നിയമത്തെ രൂക്ഷമായി വിമര്‍ശിച്ച് മുതിര്‍ന്ന ബോളിവുഡ് നടന്‍ നസ്റുദ്ദീന്‍ ഷാ.
ഇതിന്റെ പേരില്‍ ഹിന്ദു മുസ്ലിം മതസ്ഥര്‍ക്കിടയില്‍ രൂപപ്പെട്ട് വരുന്ന വിഭാഗീയതയില്‍ അദ്ദേഹം ആശങ്കയറിയിച്ചു.
കര്‍വ്വാന്‍ ഇ മൊഹബത്ത് ഇന്ത്യയുടെ യൂട്യൂബ് ചാനലില്‍ നടന്ന അഭിമുഖത്തിലാണ് അദ്ദേഹം മനസ്സ് തുറന്നത്.
നമ്മുടെ രാജ്യത്ത് ഇത്തരത്തിലുള്ള വിവേചനങ്ങള്‍ ഉണ്ടാവുന്നതില്‍ വലിയ രോഷമാണ്. യു പിയിലെ ലൗ ജിഹാദ് പോലുള്ള കാര്യങ്ങൾ നോക്കൂ. ഈ വാക്കുണ്ടാക്കിയവര്‍ക്ക് പോലും അതിന്റെ അര്‍ത്ഥമറിയില്ല നസ്റുദ്ദീന്‍ പറഞ്ഞു.
ലൗ ജിഹാദ് എന്ന് പറയുന്നത് മിശ്രവിവാഹത്തോട് വിദ്വേഷം തോന്നിപ്പിക്കുന്നതിനും ഹിന്ദു മുസ്ലിം ഐക്യം നശിപ്പിക്കുന്നതിനുമാണെന്ന് നസറുദ്ദീന്‍ ഷാ പറഞ്ഞു .
Read more
ഹിന്ദു മുസ്ലിം വിവാഹങ്ങള്‍ ഒഴിവാക്കുക മാത്രമല്ല, അവര്‍ തമ്മിലുള്ള ഐക്യം ഇല്ലാതാക്കുക എന്നതാണ് അവരുടെ ഉദ്ദേശമെന്നും അദ്ദേഹം വ്യക്തമാക്കി .
