‘മോണ്‍സ്റ്റര്‍’ ചിത്രത്തില്‍ തന്റെ കഥാപാത്രത്തിന്റെ പേര് ലക്കി സിംഗ് എന്ന് കൊടുക്കാനുള്ള കാരണത്തെ കുറിച്ച് പറഞ്ഞ് മോഹന്‍ലാല്‍. ഒരുപാട് ലക്കുകള്‍ ഇല്ലാത്തത് കൊണ്ട് ലക്കി സിംഗ് എന്ന പേരിട്ടത് എന്നാണ് മോഹന്‍ലാല്‍ പറയുന്നത്. ഈ കഥാപാത്രത്തെ സിനിമയിലേക്ക് പ്ലാന്റ് ചെയ്യുകയായിരുന്നു എന്നാണ് മോഹന്‍ലാല്‍ പറയുന്നത്.
ഒരുപാട് ലക്കുകള്‍ ഇല്ലാത്തത് കൊണ്ട് ലക്കി സിംഗ് എന്നൊരു പേരിട്ടു. ആ പേരിട്ടതിന് ശേഷം ഒരുപാട് ലക്കുകള്‍ ഉണ്ടായി എന്നാണ് അയാള്‍ പറയുന്നത്. ഇത്രയെ എനിക്കിപ്പോള്‍ പറയാന്‍ പറ്റുള്ളൂ. കാരണം ലക്കി സിംഗ് സിനിമയിലെ വളരെ പ്രധാനപ്പെട്ടൊരു കഥാപാത്രമാണ്.
ഈ സിനിമ ചെയ്യാന്‍ തുടങ്ങിയപ്പോള്‍ തന്നെ ഇത്തരമൊരു കഥാപാത്രത്തെ നമ്മള്‍ അതിലേക്ക് പ്ലാന്റ് ചെയ്യുക ആയിരുന്നു. സാധാരണ ഒരു കഥാപാത്രമായിട്ടോ, ആളായിട്ടോ വന്നാല്‍ ഈ സിനിമയ്ക്ക് ഇത്രയും വലിയൊരു ഇന്‍പാക്ട് ഉണ്ടാകാന്‍ സാധ്യത കുറവാണ്.
അതിനാലാണ് പുറത്ത് നിന്ന് ഒരു സര്‍ദാര്‍ എന്ന രീതിയില്‍ ഈ കഥാപാത്രത്തെ കൊണ്ടുവന്നത്. ലക്കി സിംഗ്, ലക്കി സിംഗ് ആണ്. കാണൂ, കണ്ടിട്ട് പറയൂ എന്നാണ് മോഹന്‍ലാല്‍ പറയുന്നത്. ഒക്ടോബര്‍ 21ന് ആണ് മോണ്‍സ്റ്റര്‍ തിയേറ്ററുകളിലേക്ക് എത്തുന്നത്.
Read more
‘പുലിമുരുകന്’ ശേഷം വൈശാഖ്-ഉദയകൃഷ്ണ-മോഹന്‍ലാല്‍ കോംമ്പോ വീണ്ടും ഒന്നിക്കുന്നതിനാല്‍ ചിത്രത്തെ കുറിച്ചുള്ള പ്രതീക്ഷകള്‍ ഏറെയാണ്. സിദ്ദിഖ്, ലക്ഷ്മി മഞ്ചു, ഹണി റോസ്, സുദേവ് നായര്‍, ഗണേഷ് കുമാര്‍, ലെന എന്നിവരാണ് മറ്റു പ്രധാന കഥാപാത്രങ്ങളായി എത്തുന്നത്.
