കുടുംബ വിളക്കിലെ സുമിത്രയായി മലയാളികളുടെ മനം കവര്‍ന്ന താരമാണ് മീര വാസുദേവ്. മുന്‍പ് തമിഴ്- തെലുങ്ക്- മലയാളം- ബോളിവുഡ് സിനിമകളിലെ മുന്‍നിര നായികയായിരുന്നു മീര. ഇപ്പോഴിതാ റെഡ് കാര്‍പെറ്റ് എന്ന ഷോയില്‍ ഷാരൂഖ് ഖാന് ഒപ്പം അഭിനയിച്ച അനുഭവം പങ്കുവെച്ചിരിക്കുകയാണ് മീര.
സെറ്റില്‍ ഞാന്‍ ഒരു സ്പിരിച്വല്‍ പുസ്തകം കൂടെ കൊണ്ടു പോയിരുന്നു. വായിക്കുന്നതിന് ഇടയില്‍ എന്റെ ഷോട്ട് വന്നു. തിരികെ വന്നപ്പോള്‍ ഒരു സോറി പറഞ്ഞുകൊണ്ട് ഷാരൂഖ് ജി എനിക്ക് ആ പുസ്തകം തിരികെ തന്നു., ‘ക്ഷമിക്കണം നിങ്ങളുടെ അനുവാദം കൂടാതെയാണ് ഞാന്‍ എടുത്തത്’ എന്ന് പറഞ്ഞു
അന്ന് ഞങ്ങള്‍ കുറച്ച് നേരം സംസാരിച്ചു, അപ്പോഴാണ് അദ്ദേഹം പറഞ്ഞത്, അദ്ദേഹത്തിന്റെ ഭാര്യ ഹിന്ദുമത വിശ്വാസിയാണ്. ‘ഇത്തരം എല്ലാ വിശ്വാസങ്ങളും വീട്ടിലും ഉണ്ട്. എല്ലാ ദൈവങ്ങളും ഒന്നാണ് എന്ന് വിശ്വസിക്കുന്ന ആളാണ് ഞാന്‍. (അപ്പോള്‍ ഞാന്‍ ഓം എന്ന് എഴുതിയ ഒരു ബ്രേസിലേറ്റ് ധരിച്ചിരുന്നു) നിങ്ങളുടെ കൈയ്യില്‍ ധരിച്ചിരിയ്ക്കുന്ന ബ്രേസിലേറ്റ് നോക്കൂ, അത് തിരിച്ച് വച്ചാല്‍ അള്ളാഹു എന്നാണ് വായിക്കുന്നത്’ എന്ന്. എനിക്ക് അത് പുതിയൊരു അറിവായിരുന്നു.
Read more
കൈയ്യില്‍ കെട്ടിയ ബ്രേസിലേറ്റിന് വേണ്ടി അദ്ദേഹം എന്റെ കൈ പിടിക്കാനായി വന്നിരുന്നു, പെട്ടന്ന് എന്തോ ഓര്‍ത്ത് നിന്നു. ഞാന്‍ ഒരു അന്യ സ്ത്രീയാണ് എന്ന ബോധമാവാം അപ്പോള്‍ അദ്ദേഹത്തെ അവിടെ പിടിച്ചു നിര്‍ത്തിയത്. എനിക്ക് ആ നിമിഷം ഷാരൂഖ് ജിയെ ഓര്‍ത്ത് വല്ലാത്ത അഭിമാനം തോന്നി. മീര പറഞ്ഞു
