2022ല്‍ തനിക്കേറ്റവും ഏറ്റവും ഇഷ്ടപ്പെട്ട ചിത്രം തല്ലുമാലയെന്ന് വെളിപ്പെടുത്തി ലോകേഷ് കനകരാജ്. ഫിലിം കമ്പാനിയന്റെ റൗണ്ട് ടേബിള്‍ ചാറ്റില്‍ സംസാരിക്കുന്നതിനിടയിലാണ് ലോകേഷ് തന്റെ പ്രിയചിത്രത്തെക്കുറിച്ച് പറഞ്ഞത്. ”തല്ലുമാല ഞാന്‍ 3-4 തവണ കണ്ടു. ഒരോ ഷോട്ടും കണ്ടപ്പോള്‍ ഇതെനിക്കു സംവിധാനം ചെയ്യാന്‍ കഴിഞ്ഞിരുന്നെങ്കിലെന്ന് തോന്നി.”- ലോകേഷ് പറഞ്ഞു.
2022 ല്‍ പുറത്തിറങ്ങിയ ചിത്രങ്ങളില്‍ ഏറെ ഇഷ്ടപ്പെട്ടത് ഏതായിരുന്നു എന്ന അവതാരകയുടെ ചോദ്യത്തിനു മറുപടി നല്‍കുകയായിരുന്നു ലോകേഷ് രാജമൗലി തന്റെ ഇഷ്ട ചിത്രമായി ജനഗണമനയും വിക്രവും പറഞ്ഞപ്പോള്‍ ഗൗതം മേനോന്‍ പറഞ്ഞത് തിരുചിത്രമ്പലമാണ്. കമല്‍ ഹാസന്‍, പൃഥ്വിരാജ്, സ്വപ്ന ദത്ത് എന്നിവര്‍ കാന്താരയാണ് തിരഞ്ഞെടുത്തത്.
കമല്‍ ഹാസന്‍,എസ്.എസ്. രാജമൗലി, ഗൗതം വാസുദേവ് മേനോന്‍, ലോകേഷ് കനകരാജ്, പൃഥ്വിരാജ് സുകുമാരന്‍, സ്വപ്ന ദത്ത് എന്നിവരാണ് റൗണ്ട് ടേബിള്‍ ചാറ്റില്‍ പങ്കെടുത്തത്. ഈ വര്‍ഷം പുറത്തിറങ്ങിയ ചിത്രങ്ങള്‍, ഇന്ത്യന്‍ സിനിമയുടെ ഭാവി തുടങ്ങി ഒരുപാട് വിഷയങ്ങള്‍ ചര്‍ച്ചയില്‍ ഉടനീളം സംസാരിക്കുകയുണ്ടായി.
Read more
ടൊവിനോ തോമസും കല്യാണി പ്രിയദര്‍ശനും കേന്ദ്ര കഥാപാത്രങ്ങളെ അവതരിപ്പിച്ച തല്ലുമാല സംവിധാനം ചെയ്തത് ഖാലിദ് റഹ്‌മാനാണ്. ഷൈന്‍ ടോം ചാക്കോ, ലുക്മാന്‍, ചെമ്പന്‍ വിനോദ് ജോസ്, ജോണി ആന്റണി, ഓസ്റ്റിന്‍, അസിം ജമാല്‍ എന്നിവരാണ് ചിത്രത്തിലെ മറ്റു അഭിനേതാക്കള്‍.ആഷിക് ഉസ്മാന്‍ പ്രൊഡക്ഷന്‍സിന്റെ ബാനറില്‍ ആഷിക് ഉസ്മാന്‍ നിര്‍മിച്ച ചിത്രം ഓഗസ്റ്റ് 12 നാണ് റിലീസിനെത്തിയത്.
