‘മൂണ്‍വാക്ക്’ സിനിമയുടെ പ്രദര്‍ശനം കുറഞ്ഞ സാഹചര്യത്തില്‍ വൈകാരികമായി പ്രതികരിച്ച് സംവിധായകന്‍ ലിജോ ജോസ് പെല്ലിശേരി. ആദ്യ ദിനങ്ങളില്‍ മികച്ച അഭിപ്രായങ്ങള്‍ ലഭയിച്ച സിനിമ ആണെങ്കിലും ഇപ്പോള്‍ തിയേറ്ററുകള്‍ ഇല്ലാത്ത അവസ്ഥയാണ്. ആദ്യ ആഴ്ചയില്‍ 140 തിയേറ്ററുകളില്‍ പ്രദര്‍ശനം നടന്ന സിനിമ രണ്ടാമത്തെ ആഴ്ചയില്‍ വെറും 12 തിയേറ്ററുകളിലായി പ്രദര്‍ശനം കുറഞ്ഞതിന്റെ പശ്ചാത്തലത്തിലാണ് സംവിധായകന്റെ പ്രതികരണം.
ലിജോ ജോസ് പെല്ലിശേരി:
മലയാള സിനിമയിലെ ഏറ്റവും മുന്തിയ നിര്‍മ്മാതാവും വിതരണക്കാരനും തിയേറ്റര്‍ മുതലാളിയും കൂടി മുന്നില്‍ നിന്ന് നയിച്ച ‘മൂണ്‍വാക്ക്’ എന്ന ചലച്ചിത്രത്തിന്റെ മഹത്തായ രണ്ടാം വാരാഘോഷം. മലയാളം ചലച്ചിത്ര മേഖലയിലെ പ്രതിസന്ധിക്കെതിരെ ഇതിലും വലിയ പോരാട്ടമുണ്ടോ.
സബാഷ്
1st week – 140 stations
2nd week – 12 theaters
NB:സിനിമ തിയേറ്ററില്‍ കണ്ടവര്‍ ദയവായി അഭിപ്രായം കുറിക്കണം
Read more
അതേസമയം, ലിസ്റ്റിന്‍ സ്റ്റീഫന്റെ നിര്‍മ്മാണത്തില്‍ ലിജോ ജോസ് പെല്ലിശ്ശേരി അവതരിപ്പിച്ച സിനിമയാണ് മൂണ്‍വാക്ക്. നിരവധി പരസ്യ ചിത്രങ്ങളിലുടെ ശ്രദ്ധേയനായ വിനോദ് എ.കെ. ആണ് മൂണ്‍വാക്ക് സംവിധാനം ചെയ്തത്. 1980-90കളില്‍ കേരളക്കരയാകെ പടര്‍ന്ന് പിടിച്ച ബ്രേക്ക് ഡാന്‍സ് തരംഗത്തിന്റെ പശ്ചാത്തലത്തില്‍ പറഞ്ഞ കഥയാണ് മൂണ്‍ വാക്ക്.
