നായകനെ വരെ വിറപ്പിക്കുന്ന വില്ലനായി മലയാള സിനിമാ ലോകത്ത് അരങ്ങുവാണ നടനാണ് ബാലൻ കെ നായർ. നാടക രംഗത്ത് നിന്ന് സിനിമയിലേക്കെത്തിയ അദ്ദേഹം നിരവധി മികച്ച വേഷങ്ങളാണ് മലയാള സിനിമയ്ക്ക് സമ്മാനിച്ചത്. ബാലൻ കെ നായർ എന്ന നടനെ കണ്ടെത്തിയതും തുടർന്ന് തൻ്റെ ചിത്രത്തിൽ അഭിനയിപ്പിച്ചതിനെപ്പറ്റിയും സംവിധായകൻ കെ.പി കുമാരൻ പറഞ്ഞ വാക്കുകളാണ് ശ്രദ്ധ നേടുന്നത്.
മാസ്റ്റർ ബിൻ ചാനലിന് നൽകിയ അഭിമുഖത്തിനിടെയാണ് അദ്ദേഹം സിനിമയെപ്പറ്റിയും ബാലൻ കെ നായരെപ്പറ്റിയും സംസാരിച്ചത്. തന്റെ അഥിതി എന്ന ചിത്രത്തിലാണ് ബാലനെ ആദ്യം നായകനാക്കിയത്. അതിലൂടെ അദ്ദേഹത്തിന് അന്ന് സ്റ്റേറ്റ് അവാർഡ് ലഭിക്കുകയും ചെയ്തിരുന്നു. ഒരിക്കൽ താനും തിരക്കഥകൃത്തമായ ശ്രീകണ്ഠൻ നായരുമായി നാടകത്തിൻ്റെ സ്ക്രിപ്റ്റ് തയ്യാറാക്കുന്നതിനിടെയാണ് ആദ്യമായി ബാലൻ കെ നായരെ കാണുന്നത്.
അന്നേ തൻ്റെ കഥായിലെ കഥാപാത്രമായ രാഘവനുമായി നല്ല സാമ്യം തോന്നി. പിന്നീട് അദ്ദേഹത്തിൻ്റെ നാടകം കണ്ടു കഴിഞ്ഞപ്പോൾ തൻ്റെ കഥയിൽ അദ്ദേഹവും വേണമെന്ന് തീരുമാനിക്കുകയായിരുന്നു. അങ്ങനെയാണ് അദ്ദേഹം സിനിമയിലേത്തിയത്.
Read more
പലപ്പോഴും ബാലനെ കണ്ടിട്ടാണ് താൻ ആ സ്ക്രിപ്റ്റ് കംപ്ലിറ്റാക്കിയത്. പിന്നിട് സിനിമയ്ക്ക് സ്ക്രിപ്റ്റ് കംപ്ലിറ്റായപ്പോൾ ഷീലയ്ക്കും, പിജെ അൻ്റണിക്കുമൊപ്പം ബാലൻ കെ നായരും മനസ്സിലേയ്ക്ക് വരുകയും അദ്ദേഹത്തെ സിനിമയിലേയ്ക്ക് ക്ഷണിക്കുകയുമായിരുന്നു. അങ്ങനെ അദ്ദേഹത്തെ സിനിമയിലഭിനയിക്കുകയും ആദ്യ സിനിമയ്ക്ക് തന്നെ മികച്ച സഹനടനുള്ള ദേശീയ പുരസ്ക്കാരം ലഭിക്കുകയുമായിരുന്നു.
