സിനിമയില്‍ ദിലീപ് ഒരുപാട് സഹായിച്ചിട്ടുണ്ടെന്ന് നടനും സംവിധായകനുമായ ഷാജോണ്‍. ‘ഈ പറക്കും തളിക’ എന്ന ചിത്രത്തിലാണ് ദിലീപിനൊപ്പം ഷാജോണ്‍ ആദ്യമായി അഭിനയിക്കുന്നത്. ഒരു സീന്‍ മാത്രമേ ഉള്ളുവെങ്കിലും തന്നെ സിനിമയ്ക്കായി വിളിക്കാന്‍ ദിലീപേട്ടന് പറയാറുണ്ട് എന്നാണ് ഷാജോണ്‍ പറയുന്നത്.
ദിലീപേട്ടന് ഒരുപാട് സഹായിച്ചിട്ടുണ്ട്. ഇപ്പോഴും സഹായിക്കുന്നുണ്ട്. പറക്കും തളിക എന്ന ചിത്രത്തിലാണ് താന്‍ ആദ്യമായി ദിലീപേട്ടന്റെ കൂടെ അഭിനയിക്കുന്നത്. അത് ഭയങ്കര ഹിറ്റായിരുന്നു. ഒരു സീനേ ഉള്ളുവെങ്കിലും അവനെ വിളിക്കണമെന്ന് പറയും. മിമിക്രിക്കാരോട് ദിലീപേട്ടന് ഭയങ്കര ഇഷ്ടമുണ്ട്.
നമ്മളോട് നന്നായി നില്‍ക്കണം, ഓരോരുത്തര് വീഴുമ്പോള്‍ ഓരോരുത്തരായി വന്ന് കൊണ്ടിരിക്കും. അശോകന്‍ ചേട്ടന്‍ വന്നു, പിന്നെ സലീം കുമാര്‍ ചേട്ടനെത്തി. പിന്നെ സുരാജ് എത്തി, അപ്പോഴൊക്കെ ദിലീപേട്ടന് പറയും. അങ്ങനെയാണ് മൈ ബോസ് സിനിമയിലേക്ക് താന്‍ എത്തുന്നത്.
അതൊരു ഭീകര കോംമ്പിനേഷനായിരുന്നു. മൈ ബോസില്‍ ദിലീപേട്ടന് തന്നെ ഒരുപാട് സഹായിച്ചിട്ടുണ്ട്. ചിലപ്പോള്‍ അദ്ദേഹം ക്യാമറയ്ക്ക് ഒപ്പം വന്ന് നില്‍ക്കും. അത് നീ അങ്ങനെ പറയ്, ഇങ്ങനെ പറയ് എന്നൊക്കെ പറഞ്ഞ് തരും.
Read more
ആ സിനിമയില്‍ ഇന്റര്‍വല്‍ വരെ ദിലീപേട്ടന് കാര്യമായി അഴിഞ്ഞാടി അഭിനയിക്കാന്‍ പറ്റില്ല. അന്നേരം എന്റെ കഥാപാത്രമായ അലിയാണ് വിലസിയത്. അലിയെ നന്നാക്കാന്‍ ദിലീപേട്ടന് കൂടെ തന്നെ നിന്നു. ആ സൗഹൃദം ഇപ്പോഴും കൂടെ ഉണ്ട് എന്നാണ് ഷാജോണ്‍ പറയുന്നത്.
