നടന്‍ കലാഭവന്‍ മണിയുടെ കരിയറിലെ തന്നെ ഏറ്റവും ശ്രദ്ധേയമായ ചിത്രങ്ങളിലൊന്നായിരുന്നു. 2002 ല്‍ തീയേറ്ററുകളിലെത്തിയ വാല്‍ക്കണ്ണാടി . ടി എ റസാഖ് തിരക്കഥ എഴുതി അനില്‍ ബാബു സംവിധാനം ചെയ്ത ഈ സിനിമയില്‍ നായികയാകാന്‍ പല നടിമാരെയും സമീപിച്ചെങ്കിലും കലാഭവന്‍ മണിയാണ് നായകനെന്ന് അവരെല്ലാം ഒഴിഞ്ഞുമാറിയെന്ന് വെളിപ്പെടുത്തിയിരിക്കുകയാണ് നിര്‍മ്മാതാവ് സന്തോഷ് ദാമോദരന്‍ . മാസ്റ്റര്‍ ബിന്‍ ചാനലിന് നല്‍കിയ അഭിമുഖത്തിലാണ് അദ്ദേഹം ഇക്കാര്യം പറഞ്ഞത്.
‘അന്നത്തെ നടിമാരില്‍ പലരും ആ സിനിമ ചെയ്യാന്‍ മടിച്ചിരുന്നു. അതിന് കാരണം എനിക്കറിയില്ല. ഞാന്‍ ശരിക്കും അനുഭവിച്ചതാണ്. ഒത്തിരിപേരെ ഞങ്ങള്‍ സമീപിച്ചു. പിന്നീട് ഞങ്ങള്‍ എല്ലാവരും കൂടി ആലോചിച്ചു എന്തുകൊണ്ട് ഒന്ന് ഗീതുവിനോട് (നടി ഗീതു മോഹന്‍ദാസ്) സംസാരിച്ചു കൂടാ. അടുത്തടുത്ത് സിനിമകള്‍ ചെയ്യേണ്ട എന്ന് വിചാരിച്ചിരുന്നു.
‘അങ്ങനെ ഞാനാണ് ഗീതുവിനെ വിളിക്കുന്നത്. ഗീതുവിനെ വിളിച്ച് ഞാന്‍ സംസാരിച്ചിട്ട് അനിലിന് ഫോണ്‍ കൊടുത്തു. റസാഖ് കഥ പറഞ്ഞു. ഗീതു ഞാന്‍ ചെയ്യാമെന്ന് പറഞ്ഞു. ഞങ്ങള്‍ പറഞ്ഞ വന്ന ഡേറ്റില്‍ തന്നെ വന്നു ചെയ്യുകയും ചെയ്തു. വളരെയധികം സഹകരണത്തോടെ വന്ന് അഭിനയിച്ചു തന്നിട്ട് പോയി’,
Read more
‘പക്ഷേ എനിക്ക് ആ സമയത്ത് കുറച്ച് ബുദ്ധിമുട്ട് നേരിടേണ്ടി വന്നു. നായികയെ കിട്ടാനൊക്കെ വേണ്ടിയിട്ട്. ഗീതു ജസ്റ്റ് കഥ മാത്രം കേട്ട് വന്നു ചെയ്തതാണ്. സന്തോഷ് ദാമോദരന്‍ പറഞ്ഞു.
