ഒരു കാലത്ത് മലയാള സിനിമയിൽ സംവിധായകനായും നടനായും തിളങ്ങിയ താരമാണ് ബാലചന്ദ്രമേനോൻ. ബാലചന്ദ്രമേനോൻ മണിയൻപിള്ള രാജുവിനെ നായകനാക്കി സിനിമ എടുക്കാനുണ്ടായ സാഹചര്യത്തെ കുറിച്ച് തുറന്ന് പറഞ്ഞ് നിർമ്മാതാവ് കെ. ജി നായർ. മാസ്റ്റർ ബിൻ ചാനലിന് നൽകിയ അഭിമുഖത്തിനിടെയാണ് അദ്ദേഹം ഇക്കാര്യത്തെക്കുറിച്ച് സംസാരിച്ചത്. ബാലചന്ദ്രമേനോനും മണിയൻപിള്ള രാജുവും തന്റെ അടുത്ത സുഹൃത്തുക്കളാണ്.
മണിയൻപിള്ള സിനിമയിൽ കയറിക്കഴിഞ്ഞ് അദ്ദേഹമാണ് തന്നെ ബാലചന്ദ്രമേനോന്റെ സിനിമയിലേയ്ക്ക് പറഞ്ഞയക്കുന്നത്. അങ്ങനെയാണ് താൻ ആദ്യമായി പ്രെഡക്ഷനിൽ എത്തുന്നത്. എന്നാൽ പിന്നീട് മണിയൻപിള്ള നിർമ്മാതാവ് ആയപ്പോൾ അദ്ദേഹത്തിന്റെ സ്വഭാവം മാറുകയായിരുന്നുവെന്നും അദ്ദേഹം പറഞ്ഞു.
കമലഹാസൻ ഫ്രീ ആയിട്ട് ചെയ്യാമെന്ന് പറഞ്ഞ് വന്ന വേഷമാണ് അന്ന് മണിയൻപിള്ളയ്ക്ക് ബാലചന്ദ്രമേനോൻ കൊടുത്തത്. എന്നാൽ അറിയപ്പെടുന്ന ഒരു നിർമ്മാതാവ് ആയപ്പോൾ മണിയൻപിള്ളയുടെ സ്വഭാവം മാറുകയായിരുന്നു.
Read more
ഒരിക്കൽ പോലും ഒരു സിനിമ മണിയൻപിള്ള ബാലചന്ദ്രമേനോന് കൊടുത്തിട്ടില്ലെന്ന് പല തവണ അദ്ദേഹം തന്നോട് പറഞ്ഞിട്ടുണ്ടെന്നും നായർ കൂട്ടിച്ചേർത്തു. താൻ പല തവണ പറഞ്ഞിട്ടാണ് ഒരിക്കൽ വേണു നാഗവള്ളിക്ക് മണിയൻപിള്ള ഒരു സിനിമ നൽകിയത്. അത് വിജയമായിരുന്നെന്നും അദ്ദേഹം പറഞ്ഞു.
