തനിക്ക് വൈനുമായി വന്ന ഭര്‍ത്താവ് അര്‍ജുനെ കുറിച്ച് പറഞ്ഞ് നടി ദുര്‍ഗ കൃഷ്ണ. സുഹൃത്തായ അര്‍ജുനെ ബ്രോയ് എന്നാണ് വിളിച്ചിരുന്നത്. ലോക്ഡൗണിന്റെ സമയത്താണ് പ്രണയത്തെ കുറിച്ച് വീട്ടുകാരോട് തുറന്നു പറഞ്ഞത്. തന്റെ സഹോദരന്‍ എടുത്ത ഫോട്ടോയാണ് ഇട്ടതെന്നുമാണ് ദുര്‍ഗ കൃഷ്ണ.
താനും ഉണ്ണി ഏട്ടനും ആദ്യം സുഹൃത്തുക്കളായിരുന്നു. അങ്ങനെയാണ് താന്‍ ബ്രോയ് എന്ന് വിളിക്കാന്‍ തുടങ്ങിയത്. ലോക്ഡൗണിന്റെ സമയത്താണ് തങ്ങള്‍ വലിയ ഗ്യാപ്പില്‍ കാണാതിരിക്കുന്നത്. ഉണ്ണി ഏട്ടന്‍ അദ്ദേഹത്തിന്റെ വീട്ടിലും താന്‍ തന്റെ വീട്ടിലുമാണ്.
കൊച്ചിയില്‍ ആയിരിക്കുമ്പോള്‍ തങ്ങള്‍ക്ക് പരസ്പരം കാണാന്‍ പറ്റും. ലോക്ഡൗണ്‍ സമയത്ത് താന്‍ ഭയങ്കര പബ്ജി അഡിക്റ്റായിരുന്നു. താന്‍ പബ്ജി കളിക്കുന്നതിന്റെ ഇടയില്‍ ഉണ്ണി ഏട്ടന്റെ കോള്‍ വന്നു. താഴെ ആമസോണില്‍ ഒരു സാധനം താന്‍ ഓര്‍ഡര്‍ ചെയ്തിട്ടുണ്ടെന്ന് പറഞ്ഞു.
അത് പോയിട്ട് എടുക്കാന്‍ പറഞ്ഞു. താന്‍ ചെന്നപ്പോള്‍ കാണുന്നത് ഉണ്ണി ഏട്ടനെയാണ്. തനിക്ക് വേണ്ടി വൈനും കൊണ്ട് വന്നതാണ്. കാമുകിക്ക് വൈനും കൊണ്ടുവരുന്ന ആദ്യ കാമുകനാണ്. അതിന് ശേഷമാണ് റിലേഷന്‍ഷിപ്പ് എല്ലാവരോടും പറഞ്ഞത്.
Read more
അന്ന് തന്റെ ബ്രദര്‍ എടുത്ത ഫോട്ടോയാണ് താന്‍ ഇന്‍സ്റ്റയില്‍ ഇട്ടത് എന്നാണ് ദുര്‍ഗ കൃഷ്ണ പറയുന്നത്. അതേസമയം, മോഹന്‍ലാല്‍-ജീത്തു ജോസഫ് കോംമ്പോയില്‍ എത്തുന്ന ‘റാം’ ആണ് ദുര്‍ഗ കൃഷ്ണയുടെതായി ഒരുങ്ങുന്നത്. ‘കിംഗ് ഫിഷ്’ ആണ് നടിയുടെതായി ഒടുവില്‍ പുറത്തിറങ്ങിയത്.
