വീട്ടില്‍ വളരെ കൂളായ ഒരു അച്ഛനാണ് മമ്മൂട്ടിയെന്ന് മകന്‍ ദുല്‍ഖര്‍ സല്‍മാന്‍. താന്‍ സിനിമയില്‍ വന്ന കാലത്തെക്കുറിച്ച് ഇടയ്ക്കിടെ അദ്ദേഹം തന്നോട് പറയാറുണ്ടെന്നും ദുല്‍ഖര്‍ ബിഹൈന്‍ഡ് വുഡ്‌സുമായുള്ള അഭിമുഖത്തില്‍ പറഞ്ഞു.
‘വീട്ടില്‍ വളരെ കൂളാണ് വാപ്പിച്ചി. അദ്ദേഹം ഒരിക്കല്‍ എന്നോടു പറഞ്ഞു, ”തുടക്കകാലത്ത് ഒരു സിനിമ ബാക്ക്ഗ്രൗണ്ട് ഒന്നുമില്ലാതെ വരുമ്പോള്‍ റഫ് ആയിട്ട് നിന്നാലെ അളുകള്‍ നമ്മളെ സീരിയസായി എടുക്കുകയുള്ളു. നിനക്ക് പിന്നെ ആ ലക്ഷ്വറിയുണ്ട്. നല്ല കുട്ടിയായി നിന്നോളു കുഴപ്പമില്ല, എനിക്ക് അങ്ങനെ പറ്റില്ലല്ലോ” എന്ന്’,
മമ്മൂട്ടിയെ പേടിയുണ്ടോ എന്ന ചോദ്യത്തിന് നടന്‍ നല്‍കിയ മറുപടി ഇപ്പോള്‍ വീണ്ടും വൈറലാവുകയാണ്.അദ്ദേഹത്തിനെ പേടിയാണ്, എന്നാല്‍ അത് ബഹുമാനത്തോടുകൂടിയ പേടിയാണ്. അത് തനിക്കിഷ്ടമാണെന്നാണ് ദുല്‍ഖര്‍ പറയുന്നത്. ഇടക്ക് വഴക്ക് കേള്‍ക്കാറുണ്ട്.
Read more
അതെനിക്കിഷ്മാണ്. ഞാന്‍ വലുതായി, എനിക്ക് ഒരു കുടുംബമായി എങ്കിലും ഇപ്പോഴും താമസിച്ച് വരുമ്പോള്‍ അവര്‍ വഴക്ക് പറയും. അവര്‍ ഇപ്പോഴും മാതാപിതാക്കള്‍ തന്നെയാണ് എനിക്ക്. അതെനിക്കിഷ്ടമാണ്. കഴിഞ്ഞ ദിവസവും താമസിച്ചപ്പോള്‍ ഇത്രയും നേരമാണോ പ്രൊമോഷന്‍ എന്നു ചോദിച്ച് വഴക്ക് പറഞ്ഞു, ദുല്‍ഖര്‍ വിശദമാക്കി.
