‘ഹൃദയ’ത്തിന് ശേഷം പ്രണവ് മോഹൻലാലിനെ നായകനാക്കി വിനീത് ശ്രീനിവാസൻ സംവിധാനം ചെയ്ത ഏറ്റവും പുതിയ ചിത്രമാണ് ‘വർഷങ്ങൾക്കു ശേഷം’. ധ്യാൻ ശ്രീനിവാസനും ചിത്രത്തിൽ പ്രണവിനൊപ്പം പ്രധാന വേഷത്തിലെത്തുന്നുണ്ട്.
റിലീസ് ചെയ്ത് ആദ്യ ദിനം തന്നെ മികച്ച പ്രേക്ഷക പ്രതികരണങ്ങളാണ് ചിത്രത്തിന് ലഭിച്ചുകൊണ്ടിരിക്കുന്നത്. ഇപ്പോഴിതാ ചിത്രത്തെ കുറിച്ച് ആദ്യ ഷോയ്ക്ക് ശേഷം ധ്യാൻ പറഞ്ഞ വാക്കുകളാണ് ചർച്ചയാവുന്നത്. ‘എടാ മോനേ വിഷു നമ്മൾ തൂക്കി’ എന്നാണ് ധ്യാൻ മാധ്യമങ്ങളോട് സംസാരിക്കവെ പറഞ്ഞത്. 12 വർഷങ്ങൾക്ക് മുൻപ് തട്ടത്തിൻ മറയത്ത്-ഉസ്താദ് ഹോട്ടൽ ഒരുമിച്ചായിരുന്നുന്നെന്നും അന്നും തട്ടത്തിൻ മറയത്ത് ആയിരുന്നു വിന്നർ ആയിരുന്നതെന്നും ധ്യാൻ പറയുന്നു.
“എടാ മോനേ.. വിഷു നമ്മൾ തൂക്കി. 12 വർഷം മുൻപേ ഒരു പെരുന്നാൾ സമയത്ത് രണ്ട് പടങ്ങൾ ഇറങ്ങി. തട്ടത്തിൻ മറയത്ത്-ഉസ്താദ് ഹോട്ടൽ. രണ്ടും ഗംഭീര പടങ്ങൾ ആയിരുന്നു. പക്ഷേ അപ്പോഴും നമ്മൾ തൂക്കി. ചരിത്രം ആവർത്തിക്കും.” എന്നാണ് ധ്യാൻ മാധ്യമങ്ങളോട് പ്രതികരിച്ചത്.
Read more
നിവിൻ പോളി, കല്യാണി പ്രിയദർശൻ, അജു വർഗീസ്, ബേസിൽ ജോസഫ്, നീരജ് മാധവ്, വൈ. ജീ മഹേന്ദ്ര, ഷാൻ റഹ്മാൻ, നീത പിള്ള തുടങ്ങിയവരാണ് ചിത്രത്തിലെ പ്രധാന താരങ്ങൾ. മെറിലാന്റ് സിനിമാസിന്റെ ബാനറില് വിശാഖ് സുബ്രഹ്മണ്യം നിർമ്മിക്കുന്ന ചിത്രത്തിന് വേണ്ടി ബോംബൈ ജയശ്രീയുടെ മകന് അമൃത് രാംനാഥ് സംഗീത സംവിധാനമൊരുക്കുന്നത്.