ലവ് ആക്ഷന്‍ ഡ്രാമ ഒരുക്കുന്ന സമയത്ത് അതില്‍ അഭിനയിക്കാനായി ഞാന്‍ അച്ഛനോട് കഥ പറഞ്ഞു. കഥ പറഞ്ഞ സമയത്ത് തന്നെ അദ്ദേഹം ഓക്കെ പറഞ്ഞു. നയന്‍താരയുടെ അച്ഛനാണെന്ന് മാത്രമെ ഞാന്‍ പറഞ്ഞിരുന്നുള്ളു. അപ്പോഴേക്ക് അദ്ദേഹം ഓക്കെ എന്ന് പറഞ്ഞു. ഞാന്‍ പെട്ടെന്ന് ഷോക്കായി. ഇത് എന്റെ അച്ഛനായത് കൊണ്ടാണോ അതോ നയന്‍താരയുടെ അച്ഛനാണെന്ന് കേട്ടത് കൊണ്ടാണോയെന്ന് സംശയം വന്നു എന്നാണ് ധ്യാന്‍ പറയുന്നത്.
അച്ഛാ ബാക്കി കഥ കൂടി പറയട്ടെയെന്ന് ചോദിച്ചു. പക്ഷെ വേണ്ട ഇത് ഓക്കെയാണൊയിരുന്നു അച്ഛന്റെ മറുപടിയെന്നാണ് ധ്യാന്‍ പറയുന്നത്. നയന്‍ താര എന്ന് കേട്ടതും പുള്ളിക്ക് പിന്നെ കഥ കേള്‍ക്കണമെന്നില്ലായിരുന്നുവെന്നും ധ്യാന്‍ സ്വതസിദ്ധമായ ശൈലിയില്‍ പറയുന്നുണ്ട്. അച്ഛന്‍ തന്നെ ഞെട്ടിച്ച അനുഭവവും ധ്യാന്‍ ഷോയിലൂടെ പങ്കുവെക്കുന്നുണ്ട്.
ഹിഗ്വിറ്റയാണ് ധ്യാനിന്റെ പുതിയ സിനിമ. വിനീത് ശ്രീനിവാസനൊപ്പം ശ്രീനിവാസനും വേഷമിടുന്ന കുറുക്കന്‍ എന്ന സിനിമയും അണിയറയിലൊരുങ്ങുകയാണ്.
അരവിന്ദന്റെ അതിഥികള്‍ എന്ന ചിത്രത്തിനു ശേഷം ശ്രീനിവാസനും മകന്‍ വിനീത് ശ്രീനിവാസനും നാല് വര്‍ഷത്തെ ഇടവേളയിലാണ് ഇരുവരും മറ്റൊരു ചിത്രത്തിന്റെ ഭാഗമാകുന്നത്. ചിത്രത്തില്‍ ഫൈസ് സിദ്ദിഖ് ഛായാഗ്രഹണം നിര്‍വഹിക്കുന്നു. ശ്രീനിവാസന്‍, അജു വര്‍ഗീസ് എന്നിവരും സുപ്രധാന വേഷങ്ങളില്‍ അഭിനയിക്കുന്ന ഈ ചിത്രത്തിന്റെ മറ്റു കാസ്റ്റിംഗ് പുരോഗമിക്കുന്നു.
Read more
ധ്യാന്‍ ശ്രീനിവാസന്‍ സംവിധാനം ചെയ്ത ലൗ ആക്ഷന്‍ ഡ്രാമയില്‍ നിവിന്‍ പോളി, നയന്‍താര, അജു വര്‍ഗീസ്, വിനീത് ശ്രീനിവാസന്‍, രഞ്ജി പണിക്കര്‍ തുടങ്ങി നിരവധി പേര്‍ അഭിനയിച്ചിരുന്നു. ജോമോന്‍ ടി. ജോണ്‍ ആണ് ഛായാഗ്രഹണം.
