ഇനി ഒരിക്കലും താന്‍ സിനിമ വിട്ടുപോകില്ലെന്ന് നടന്‍ ചിരഞ്ജീവി. പത്ത് വര്‍ഷങ്ങള്‍ക്ക് സിനിമാരംഗത്തേക്ക് തിരിച്ചെത്തിയപ്പോള്‍ ആരാധകര്‍ നല്‍കിയ സ്‌നേഹം തന്നെ അത്രയും പ്രചോദിപ്പിച്ചുവെന്നും അദ്ദേഹം പറഞ്ഞു. ഇന്ത്യന്‍ പേഴ്‌സണാലിറ്റി ഓഫ് ദ ഇയര്‍ പുരസ്‌കാരം കൈപ്പറ്റിക്കൊണ്ടായിരുന്നു നടന്റെ പ്രതികരണം.
സാധാരണ ഒരു കുടുംബത്തിലാണ് ജനിച്ചത്. ഇന്ന് എല്ലാ നേട്ടങ്ങള്‍ക്കും കാരണം സിനിമയാണ്. സിനിമ ഇന്‍ഡസ്ട്രിയോടുള്ള എന്റെ കടപ്പാടിനും സ്‌നേഹത്തിനും അളവില്ല. സിനിമയില്‍ നിന്ന് മാറി രാഷ്ട്രീയത്തിലേക്കിങ്ങിയ സമയമുണ്ടായിരുന്നു.പത്ത് വര്‍ഷത്തോളം ഞാന്‍ അഭിനയിച്ചില്ല.
തിരികെ വരുമ്പോള്‍ ഞാന്‍ സ്വീകരിക്കപ്പെടുമോ എന്ന ആശങ്കയുണ്ടായിരുന്നു. കാരണം സിനിമ വല്ലാതെ മാറിയിരുന്നു. പക്ഷേ എനിക്ക് ജനങ്ങള്‍ നല്‍കിയ സ്‌നേഹം ഇരട്ടിയായിരുന്നു. സിനിമയുടെ വില അന്നാണ് മനസ്സിലായത്. ഒരിക്കലും ഞാന്‍ ഇനി സിനിമ വിട്ടുപോകില്ല’- ചിരഞ്ജീവി പറഞ്ഞു.
Read more
അന്താരാഷ്ട്ര ചലച്ചിത്രമേളയുടെ സമാപന ചടങ്ങിലാണ് ചിരഞ്ജീവി പുരസ്‌കാരം ഏറ്റുവാങ്ങിയത്. നാല് പതിറ്റാണ്ടുകളായി 150 സിനിമകളില്‍ അഭിനയിച്ച ചിരഞ്ജീവി ഇന്ത്യന്‍ സിനിമയ്ക്ക് നല്‍കിയ സംഭാവനകളെ കണക്കിലെടുത്താണ് പുരസ്‌കാരം.
