ദിലീഷ് പോത്തന്റെ സിനിമയില്‍ ഞാന്‍ അഭിനയിക്കേണ്ടതായിരുന്നു, പക്ഷേ സംഭവിച്ചത്; തുറന്നുപറഞ്ഞ് ബൈജു

 

നാല്പത് വര്‍ഷമായി മലയാള സിനിമയുടെ ഭാഗമാണ് നടന്‍ ബൈജു. ഇപ്പോഴിതാ താന്‍ സിനിമ തിരഞ്ഞെടുക്കുന്നതിന്റെ മാനദണ്ഡം വെളിപ്പെടുത്തിയിരിക്കുകയാണ് നടന്‍. താന്‍ ഒരു സിനിമ തെരഞ്ഞെടുക്കുന്നത് തന്റെ കഥാപാത്രത്തിന്റെ പ്രധാന്യം നോക്കിയാണെന്നും എന്തെങ്കിലും ചെയ്യാനുണ്ടെന്ന് തോന്നിയാല്‍ മാത്രമേ ആ സിനിമ ചെയ്യുകയുള്ളൂവെന്നുമാണ് ബൈജു പറയുന്നത്.

നിരവധി സിനിമകള്‍ വേണ്ടെന്ന് വെച്ചിട്ടുണ്ടെന്നും ബൈജു കേരള കൗമുദിക്ക് നല്‍കിയ അഭിമുഖത്തില്‍ പറഞ്ഞു.
‘ആദ്യം കഥ ഒന്ന് ചുരുക്കത്തില്‍ കേള്‍ക്കും. പിന്നീട് ഞാന്‍ ചെയ്യേണ്ട സീനുകള്‍ മാത്രം ഞാന്‍ വായിച്ചു നോക്കും. എന്നിട്ട് എനിക്ക് ഇഷ്ടപ്പെട്ടാലേ ഞാന്‍ സിനിമ ചെയ്യൂ.

 

ദിലീഷ് പോത്തന്റെ സിനിമയില്‍ ഞാന്‍ അഭിനയിക്കേണ്ടതായിരുന്നു. ശമ്പളത്തിലെ ചില പൊരുത്തക്കേടുകള്‍ കാരണം ഞാന്‍ ആ സിനിമ ചെയ്തില്ല. വിനീത് ശ്രീനിവാസന്റെ ഒരു സിനിമയും ഞാന്‍ ഇപ്പോള്‍ വേണ്ടെന്ന് വച്ചു. , ബൈജു പറയുന്നു.

ഇപ്പോഴത്തെ യൂത്തിന്റെ ട്രെന്‍ഡ് ഒരുപാട് മാറിയിട്ടുണ്ടെന്നും ഇപ്പോള്‍ വളച്ചു കെട്ടും കള്ളത്തരവും ഒന്നും ഇല്ലാതെ കുറച്ചു കൂടി പച്ചയായി സിനിമയിലൂടെ കാര്യങ്ങള്‍ പറയുന്നത് കാണാനാണ് പ്രേക്ഷകര്‍ക്ക് ഇഷ്ടമെന്നും ബൈജു പറഞ്ഞു.