വൈശാലിയില്‍ അഭിനയിച്ചപ്പോഴുണ്ടായ മറക്കാനാവാത്ത അനുഭവം പങ്കുവെച്ച് ബാബു ആന്റണി. കൈരളി ടിവിയുമായുള്ള അഭിമുഖത്തിലാണ് വൈശാലി ഷൂട്ടിനിടെയിലെ ഒരു രസകരമായ സംഭവം നടന്‍ വെളിപ്പെടുത്തിയത്.
വൈശാലിയുടെ ക്ളൈമാക്സില്‍ ഒരു ഡയലോഗ് ഉണ്ട്. ഞാന്‍ അതെന്താണെന്ന് കൃത്യമായി ഓര്‍ക്കുന്നില്ല. സിനിമയുടെ ഷൂട്ടിങ് മറക്കാനാവാത്ത ഒരു അനുഭവം ആയിരുന്നു. അതായത് ഋഷിശൃംഗന്‍ വരുന്നു. മഴ പെയ്യുന്നു. ഞാന്‍ മേലില്‍ ഒന്നും ഇടാത്തത് കൊണ്ട് തന്നെ ഭയങ്കര തണുപ്പ് ഒക്കെ ആയിരുന്നു,’
‘ലൈറ്റ് ആണെങ്കില്‍ പോയി കൊണ്ട് ഇരിക്കുന്നു. പക്ഷെ എനിക്ക് ഡയലോഗ് പറയാന്‍ പറ്റുന്നുണ്ടായിരുന്നില്ല വിറച്ചിട്ട്. എന്ത് ചെയ്യണം എന്നും എനിക്ക് അറിയില്ല. കുറെ പ്രാവശ്യം കട്ട് പറഞ്ഞു. ഞാന്‍ ഡയലോഗ് പറഞ്ഞിട്ടൊന്നും ശരിയാവുന്നില്ല. കുറെ ശ്രമിച്ചു. അങ്ങനെ നില്‍ക്കുമ്പോള്‍ ഒരാള്‍ തോളില്‍ പിടിച്ചു. നോക്കിയപ്പോള്‍ എം.ടി വാസുദേവന്‍ സാര്‍ .
Read more
‘അദ്ദേഹം കണ്ണുകൊണ്ട് താഴോട്ട് കാണിച്ചു. കയ്യില്‍ ഒരു ഗ്ലാസില്‍ റം ആയിരുന്നു. എന്നോട് തട്ടിക്കോളാന്‍ പറഞ്ഞു. അങ്ങനെ ആ റം എടുത്ത് കുടിച്ചിട്ട് ഞാന്‍ ഡയലോഗ് പറഞ്ഞു. അത് നല്ലൊരു അനുഭവമാണ്. ബാബു ആന്റണി കൂട്ടിച്ചേര്‍ത്തു.
