സിനിമയില്‍ നിന്നും ഇടവേള എടുക്കാനുണ്ടായ സാഹചര്യത്തെ കുറിച്ച് പറഞ്ഞ് നടി അനുഷ്‌ക ഷെട്ടി. 2020ല്‍ പുറത്തിറങ്ങിയ ‘നിശബ്ദം’ എന്ന ചിത്രത്തിന് ശേഷം മൂന്ന് വര്‍ഷത്തെ ഇടവേളയ്ക്ക് പിന്നാലെയാണ് അനുഷ്‌ക സിനിമയിലേക്ക് തിരിച്ചു വരുന്നത്. താന്‍ ഭാവിയില്‍ ചെയ്യാന്‍ പോകുന്ന സിനിമയില്‍ ശ്രദ്ധിക്കാന്‍ ഇടവേള അനിവാര്യമായിരുന്നു എന്നാണ് അനുഷ്‌ക പറയുന്നത്.
”ബാഹുബലി കഴിഞ്ഞപ്പോള്‍ നേരത്തെ കമ്മിറ്റ് ചെയ്ത ഭാഗ്മതി എന്ന സിനിമ ഉണ്ടായിരുന്നു. ശേഷം ഞാനൊരു ബ്രേക്ക് എടുക്കാന്‍ തീരുമാനിച്ചു. ആ സമയത്ത് എനിക്കത് ഏറ്റവും അത്യാവശ്യമായ കാര്യമായിരുന്നു. എന്റെ തീരുമാനമായിരുന്നു അത്.”
Also read
”ഞാന്‍ ഒരു തിരക്കഥയും കേട്ടില്ല. ഇടവേളയ്ക്ക് ശേഷം കഥകള്‍ കേട്ട് തുടങ്ങി. ആവേശകരമായി സ്‌ക്രിപ്റ്റുകള്‍ വന്നാല്‍ ഞാന്‍ ചെയ്യും. അത് ഏത് ഭാഷയിലാണെങ്കിലും ശരി. നല്ല കഥ ലഭിക്കുക ആണെങ്കില്‍ ബോളിവുഡിലും ഒരു കൈനോക്കും” എന്നാണ് അനുഷ്‌ക പറയുന്നത്.
Read more
‘മിസ് ഷെട്ടി ആന്റി മിസ്റ്റര്‍ പൊളിഷെട്ടി’ എന്ന ചിത്രമാണ് അനുഷ്‌കയുടെതായി റിലീസ് ചെയ്തത്. കഴിഞ്ഞ ദിവസമാണ് ചിത്രം തിയേറ്ററുകളില്‍ എത്തിയത്. ജയസൂര്യ നായകനായി എത്തുന്ന ബ്രഹ്‌മാണ്ഡ ചിത്രം ‘കത്തനാരി’ലൂടെ അനുഷ്‌ക മലയാളത്തിലേക്കും തിരിച്ചു വരികയാണ്.
