തെന്നിന്ത്യന്‍ പ്രേക്ഷകരുടെ പ്രിയ നടിയാണ് അനുഷ്ക ഷെട്ടി. 2005ല്‍ സൂപ്പര്‍ എന്ന തെലുങ്ക് ചിത്രത്തിലൂടെയാണ് അനുഷ്ക അഭിനയ രംഗത്തെത്തുന്നത്. പിന്നാലെ തമിഴ് സിനിമാലോകത്തേക്കും അനുഷ്ക എത്തി. വിജയ്ക്കാെപ്പം ചെയ്ത വേട്ടൈക്കാരന്‍ എന്ന ചിത്രമാണ് തമിഴകത്ത് അനുഷ്‌കയ്ക്ക് വലിയ സ്വീകാര്യത നേടിക്കൊടുത്തത്. ഇപ്പോഴിതാ വേട്ടൈയ്ക്കാരനില്‍ വിജയ്‌ക്കൊപ്പം അഭിനയിച്ചപ്പോള്‍ ഉണ്ടായ അനുഭവത്തെ കുറിച്ച് അനുഷ്ക മുമ്പൊരിക്കല്‍ പറഞ്ഞ കാര്യങ്ങള്‍ വീണ്ടും വൈറലായിരിക്കുകയാണ്.
‘ഏന്‍ ഊച്ചി മണ്ടേലെ’ എന്ന ഗാനം ഷൂട്ട് ചെയ്യാന്‍ അദ്ദേഹം സെറ്റിലേക്ക് വന്നു. ഞാന്‍ പ്രാക്ടീസ് ചെയ്യുകയായിരുന്നു. അദ്ദേഹം ഇരുന്ന് വെറുതെ സ്റ്റെപ്പുകള്‍ നോക്കിയതേയുള്ളൂ. നല്ല ഡാന്‍സറാണെന്ന് എനിക്ക് അറിയാം. പക്ഷെ ഞാനന്ന് ഇന്‍ഡസ്ട്രിയില്‍ തുടക്കകാരിയാണ്.
ഞങ്ങള്‍ ഷോട്ടിന് ഒരുമിച്ച് നിന്നു. ആക്ഷന്‍ പറഞ്ഞപ്പോള്‍ അദ്ദേഹത്തിന്റെ എനര്‍ജിയും ഫോഴ്‌സും അവിശ്വസനീയമായിരുന്നു. ഞെട്ടിപ്പോയ ഞാന്‍ ഡാന്‍സ് നിര്‍ത്തി. എനിക്ക് ഡാന്‍സ് ചെയ്യാന്‍ പറ്റിയില്ല. ഒരാള്‍ക്ക് എങ്ങനെ ഇത്രയും എനര്‍ജിയില്‍ ഡാന്‍സ് ചെയ്യാന്‍ പറ്റുമെന്ന് ഞാന്‍ ആശ്ചര്യപ്പെട്ടു’ അനുഷ്ക പറഞ്ഞു.
ഏറെ നാളായി അഭിനയ രംഗത്തുനിന്ന് വിട്ടുനില്‍ക്കുന്ന അനുഷ്ക തിരിച്ചുവരവിന് ഒരുങ്ങുകയാണ്. ‘മിസ് ഷെട്ടി മിസ്റ്റര്‍ പൊളിഷെട്ടി’ എന്ന തെലുങ്ക് ചിത്രത്തിലൂടെയാണ് അനുഷ്ക ഷെട്ടി നായികയായി തിരിച്ചെത്തുന്നത്. നവീന്‍ പൊളിഷെട്ടിയാണ് നായകനാകുന്ന ചിത്രം മഹേഷ് ബാബു പി. സംവിധാനം ചെയ്യുന്നു. ഷെഫിന്റെ വേഷത്തിലാണ് അനുഷ്ക ചിത്രത്തിലെത്തുന്നത്.
Read more
അനുഷ്ക ഷെട്ടി നായികയായി ഏറ്റവും ഒടുവില്‍ പ്രദര്‍ശനത്തിന് എത്തിയ ചിത്രം ‘നിശബ്ദം’ ആണ്. 2020ലായിരുന്നു ചിത്രം റിലീസ് ചെയ്തത്. പിന്നീട് മൂന്ന് വര്‍ഷത്തോളം നടി അഭിനയത്തില്‍ നിന്നും വിട്ടു നിന്നു.
