കൂടെവിടെ എന്ന സീരിയല്‍ വഴിയാണ് നടി അന്‍ഷിത മലയാളികള്‍ക്ക് ഏറെ പ്രിയങ്കരിയാകുന്നത്. ഇതേ സീരിയലിലെ നായകനായ അര്‍ണവുമായിട്ടുള്ള അന്‍ഷിതയുടെ ബന്ധത്തെ ചോദ്യം ചെയ്ത് നടന്റെ ഭാര്യ വന്നത് വലിയ വിവാദമായിരുന്നു.

എന്നാല്‍ ഇപ്പോഴിതാ അര്‍ണവ് തനിക്കേറ്റവും പ്രിയപ്പെട്ടവനാണെന്ന് പറഞ്ഞ് കൊണ്ട് പുത്തന്‍ വീഡിയോയുമായി എത്തിയിരിക്കുകയാണ് നടിയിപ്പോള്‍. ഇന്‍സ്റ്റാഗ്രാമിലൂടെയാണ് വീണ്ടും തന്റെ നിലപാട് തെളിയിച്ച് അന്‍ഷിത എത്തിയത്.

‘നൂറ് പ്രശ്നങ്ങള്‍ക്ക് ഒരു പരിഹാരം. അത് നല്ലൊരു സുഹൃത്താണെന്ന് അന്‍ഷിത പറയുന്നു. അത് മാത്രമല്ല വീഡിയോയ്ക്ക് നല്‍കിയ ക്യാപ്ഷനില്‍ അര്‍ണവ് നല്ല സുഹൃത്താണെന്നും ഇരുവരും തമ്മിലുള്ള ഐക്യം എത്രത്തോളമുണ്ടെന്നും’ നടി സൂചിപ്പിച്ചിരിക്കുകയാണ്.

‘എല്ലാ പെണ്‍കുട്ടികള്‍ക്കും അവളുടെ ജീവിതത്തില്‍ ഒരു ഉത്തമനായ പുരുഷ സുഹൃത്ത് ഉണ്ട്. ഭയമില്ലാതെ അവരുമായി എല്ലാം പങ്കുവെക്കാന്‍ അവള്‍ക്ക് സാധിക്കും. എന്റെ പ്രിയപ്പെട്ടവനേ, ഞാനെപ്പോഴും നിനക്ക് വേണ്ടി ഉണ്ടാവും’… എന്നുമാണ് അന്‍ഷിത പറയുന്നത്.

ഒരു കാറിന് മുന്നില്‍ നിന്നും ഓടി വന്ന് അര്‍ണവിനെ കെട്ടിപ്പിടിക്കുകയും ഇരുവരും വീഴാന്‍ പോവുന്നതുമായ രസകരമായൊരു വീഡിയോ കൂടി നടി ഇതിനൊപ്പം പങ്കുവെച്ചിരിക്കുകയാണ്. അതേ സമയം നടി പങ്കുവെച്ച വീഡിയോയുടെ കീഴില്‍ കമന്റുകളാണ് നിറയുന്നത്.