നടി ഗൗരി കിഷന് പിന്തുണയുമായി താരസംഘടന ‘അമ്മ’. ഗൗരിയുടെ വേദന സംഘടന മനസിലാക്കുന്നുവെന്നും ബോഡി ഷെയ്മിങ് ചെയ്യുന്നത് തെറ്റ് തന്നെയാണെന്നും സോഷ്യല് മീഡിയയില് കുറിച്ചു. ‘അദേഴ്സ്’ എന്ന തമിഴ് സിനിമയുടെ പ്രൊമോഷനുമായി ബന്ധപ്പെട്ട് നടന്ന പ്രസ് മീറ്റില് ബോഡി ഷെയ്മിങ് ചെയ്ത യൂട്യുബര്ക്ക് ചുട്ടമറുപടി നല്കിയ സംഭവത്തില് നിരവധി പേരാണ് നടിയെ പിന്തുണച്ച് രംഗത്തെത്തിയത്.
”ഗൗരിയുടെ വേദന ഞങ്ങള് മനസിലാക്കുന്നു, ആരായാലും എപ്പോള് ആയാലും, എവിടെ ആയാലും ബോഡി ഷെയ്മിങ് ചെയ്യുന്നത് തെറ്റാണെന്ന് ഞങ്ങളും ഉറച്ച് വിശ്വസിക്കുന്നു…” എന്ന് അമ്മ സംഘടന ഫെയ്സ്ബുക്കില് കുറിച്ചു. അതേസമയം, ചിത്രത്തിന്റെ പ്രസ് മീറ്റിനിടെയാണ് യൂട്യൂബര് ഗൗരിക്കെതിരെ ശബ്ദം ഉയര്ത്തിയത്. ചിത്രത്തിലെ ഗാനരംഗത്തില് നായകന് ഗൗരിയെ എടുത്തുയര്ത്തുന്ന രംഗമുണ്ട്.
View this post on Instagram
ഈ സീന് ചെയ്തപ്പോള് ഗൗരിക്ക് നല്ല ഭാരമുണ്ടെന്ന് തോന്നിയിരുന്നോ എന്നാണ് യൂട്യൂബര് നായകനോട് ചോദിച്ചത്. ഇത് സിനിമയുമായി യാതൊരു ബന്ധവുമില്ലെന്നും ബോഡിഷെയ്മിങ് ചോദ്യമാണെന്നും നടി തിരിച്ച് മറുപടി നല്കി. മാത്രവുമല്ല താങ്കള് ഇപ്പോള് ചെയ്യുന്നത് ജേര്ണലിസമല്ലെന്നും നടി യൂട്യൂബറോട് പറയുന്നുണ്ട്.
ആദ്യഘട്ടത്തില് പ്രതികരിക്കാന് സാധിക്കാതിരുന്ന ഗൗരി, പിന്നീട് നടന്ന പ്രീ റിലീസ് അഭിമുഖത്തില് തനിക്ക് ചോദ്യം അസ്വസ്ഥത ഉണ്ടാക്കിയെന്ന് തുറന്നുപറഞ്ഞു. തുടര്ന്ന് സിനിമയുടെ പ്രസ് മീറ്റിങ്ങിന് ശേഷം നടന്ന ചോദ്യോത്തരവേളയില് ഈ ചോദ്യം ഉന്നയിച്ച യൂട്യൂബര് ഈ വിഷയം ന്യായീകരിച്ചു കൊണ്ട് വീണ്ടും ശബ്ദമുയര്ത്തിയതോടെ ഗൗരി തുറന്നടിക്കുകയായിരുന്നു. ഇത് ബോഡി ഷെയ്മിങ് ആണെന്ന നിലപാടില് ഗൗരി ഉറച്ചു നില്ക്കുകയായിരുന്നു.
Read more
