താരങ്ങൾക്കെതിരെ ഗോസിപ്പുകൾ അടിച്ചിറക്കുന്നത് ഇന്ന് സോഷ്യൽ മീഡിയയിൽ സ്ഥിരമായ ഒരു സംഭവമായി മാറിയിട്ടുണ്ട്. പല താരങ്ങളും കണ്ടില്ലെന്നു നടിച്ചും, ഇത്തരം പ്രവർത്തികൾക്കെതിരെ പ്രതികരിക്കാതെയും മിണ്ടാതെയിരിക്കാറുണ്ട്. കഴിഞ്ഞ ദിവസങ്ങളിൽ സോഷ്യൽ മീഡിയയിൽ വൈറലായ വാർത്തയായിരുന്നു, തെന്നിന്ത്യൻ താരം നിത്യ മേനോൻ ഷൂട്ടിങ്ങിനിടെ ഹാരസ്മെന്റ് നേരിട്ടുവെന്നും തമിഴ് സിനിമ ഇൻഡസ്ട്രിയിൽ നിന്നും താരം ഒരുപാട് പ്രശ്നങ്ങൾ നേരിടുന്നു എന്നുള്ള വാർത്ത.
എന്നാൽ ഇത് തീർത്തും വ്യാജമാണെന്നും, ഇത്തരം ജീർണിച്ച മാധ്യമ പ്രവർത്തനത്തിൽ നിന്നും ഇനിയും മെച്ചപ്പെടണമെന്നും നിത്യ മേനോൻ പറഞ്ഞു. എക്സിലും ഫേസ്ബുക്കിലുമാണ് താരം പ്രതികരണം പങ്കുവെച്ചത്.
“നമ്മൾ വളരെ കുറച്ച് കാലം മാത്രമേ ഈ ലോകത്ത് ഉണ്ടാവുകയൊളളൂ. എത്രത്തോളം തെറ്റുകളാണ് നാം പരസ്പരം ചെയ്യുന്നത് എന്ന് ആലോചിക്കുമ്പോൾ ഞാൻ അത്ഭുതപ്പെടാറുണ്ട്. ചെയ്യുന്ന ജോലിയിൽ ഉത്തരവാദിത്വം വേണം, എന്നാലേ ഇത്തരം മോശപ്പെട്ട പ്രവൃത്തികൾ ഇല്ലാതെയാവൂ. കൂടുതൽ മെച്ചപ്പെട്ട മനുഷ്യരാവൂ.”
താൻ ഇത്തരമൊരു ഇന്റർവ്യൂ കൊടുത്തിട്ടില്ലെന്നും ക്ലിക്കിന് വേണ്ടി ഇത്തരം പ്രവൃത്തികൾ ചെയ്യരുതെന്നും, ഇതാരാണ് തുടങ്ങിവെച്ചത് എന്ന് അറിയുമെങ്കിൽ തന്നെ അറിയിക്കണമെന്നും വ്യാജവാർത്തയുടെ സ്ക്രീൻഷോട്ടുകൾ പങ്കുവെച്ച്കൊണ്ട് താരം പറഞ്ഞു.
It’s very sad that certain sections of journalism have come down to this. I urge you – Be Better than this! 😊#stopfakenews @letscinema pic.twitter.com/zevdEPqTlL
— Nithya Menen (@MenenNithya) September 26, 2023
Read more
