ഹേറ്റേഴ്‌സ് ഇല്ലാത്ത നായികയാണ് തൃഷ എങ്കിലും താരത്തെ ചിലര്‍ രൂക്ഷമായി കുറ്റപ്പെടുത്താറുണ്ട്. അതിലൊരാളാണ് മുന്‍ ബിഗ് ബോസ് മത്സരാര്‍ത്ഥിയും നടിയുമായ മീര മിഥുന്‍. തൃഷയെക്കുറിച്ച് മീര മിഥുന്‍ പറഞ്ഞ വാക്കുകളാണിപ്പോള്‍ ശ്രദ്ധ നേടുന്നത്. ഒരു നടന്‍ മോശമായി സ്പര്‍ശിച്ചിട്ടും തൃഷ പ്രതികരിച്ചില്ല എന്നാണ് മീര പറയുന്നത്.
തൃഷ നായികയായി അഭിനയിച്ച ഒരു സിനിമയില്‍ താന്‍ ചെറിയ വേഷം ചെയ്തിട്ടുണ്ട്. സിനിമയിലെ ഹീറോ മോശമായ രീതിയില്‍ തൃഷയുടെ ദേഹത്ത് കൈ വെച്ചു. തൊടാന്‍ പാടില്ലാത്ത സ്ഥലത്താണ് സ്പര്‍ശിച്ചത്. തുടരെ ഇവിടെ കൈ വെച്ചത് തൃഷയ്ക്ക് അസ്വസ്ഥതയുണ്ടാക്കി.
എന്നാല്‍ തൃഷ ഒന്നും പറഞ്ഞില്ല. കണ്ട് നിന്ന തനിക്ക് ദേഷ്യം വന്നു. പ്രതികരിച്ചാല്‍ അവസരം നഷ്ടപ്പെടുമെന്ന് ഭയന്നാണ് തൃഷ മൗനം പാലിച്ചത് എന്നാണ് മീര പറയുന്നത്. അതേസമയം, നേരത്തെ തൃഷ തന്റെ സ്‌റ്റൈല്‍ കോപ്പി ചെയ്യുന്നു എന്ന് ആരോപിച്ചും മീര രംഗത്തെത്തിയിരുന്നു.
Read more
എന്നാല്‍ തന്നെക്കുറിച്ച് വരുന്ന ഗോസിപ്പുകളോടൊന്നും തൃഷ പ്രതികരിക്കാറില്ല. സിനിമ കഴിഞ്ഞാല്‍ സുഹൃത്തുക്കളും യാത്രകളുമൊക്കെയായി നടി തന്റേതായ തിരക്കുകളിലേക്ക് നീങ്ങും. 40 കാരിയായ തൃഷ ഇപ്പോഴും അവിവാഹിതയാണ്. വിവാഹത്തോട് താരം മുഖം തിരിക്കുന്നതും നേരത്തെ ചര്‍ച്ചയായിട്ടുണ്ട്.
