സിനിമയില്‍ നിന്നും മാറി നില്‍ക്കുകയാണെങ്കിലും ഇപ്പോഴും ഏറെ ആരാധകരുള്ള താരമാണ് മന്യ. മമ്മൂട്ടിക്കൊപ്പം അഭിനയിച്ചതിനെ കുറിച്ചാണ് മന്യ ഇപ്പോള്‍ തുറന്നു പറയുന്നത്. മമ്മൂട്ടിയുടെ മീന്‍കറിയെ കുറിച്ചും സെറ്റില്‍ പറയുന്ന തമാശകളെ കുറിച്ചുമാണ് മന്യ ടൈംസ് ഓഫ് ഇന്ത്യക്ക് നല്‍കിയ അഭിമുഖത്തില്‍ പറയുന്നത്.
മമ്മൂക്കയെ ആദ്യം കണ്ടപ്പോള്‍ അദ്ദേഹം എന്ത് സുന്ദരനാണ് എന്നാണ് തോന്നിയത്. രാക്ഷസരാജാവ് എന്ന സിനിമയുടെ സെറ്റില്‍ വെച്ചാണ് മമ്മൂക്കയെ ആദ്യമായി കാണുന്നത്. പൊലീസ് വേഷത്തില്‍ ആയിരുന്നു അദ്ദേഹം. തന്റെ ജീവിതത്തില്‍ കണ്ട ഏറ്റവും സുന്ദരനായ വ്യക്തി ആയാണ് തനിക്ക് തോന്നിയത്. താന്‍ അദ്ദേഹത്തിന്റെ വലിയ ആരാധികയാണ്.
അദ്ദേഹം വളരെ സിമ്പിളും ലാളിത്യമുള്ളവനുമാണ്. ഇപ്പോഴും അദ്ദേഹം തനിക്ക് ഹാപ്പി മദേഴ്‌സ് ഡേ എന്ന മെസേജ് അയച്ചിട്ടുണ്ട്. താന്‍ ഇപ്പോള്‍ സിനിമാരംഗത്ത് ഇല്ല. എങ്കിലും അദ്ദേഹം ബന്ധം കാത്തു സൂക്ഷിക്കുന്നു. മമ്മൂക്ക ഒരു ലെജന്റ് ആണ്. ആ ബന്ധം അദ്ദേഹത്തിന്റെ എളിമയെ കുറിച്ചാണ് പറയുന്നത്. മമ്മൂക്ക സെറ്റില്‍ തമാശകള്‍ പറയും.
Read more
അപരിചിതന്റെ സെറ്റില്‍ ഒരുപാട് തമാശകള്‍ പറയുമായിരുന്നു. തന്റെ അമ്മക്ക് മീന്‍ ഇഷ്ടമാണ്. താന്‍ വെജിറ്റേറിയനും. മമ്മൂക്ക വീട്ടില്‍ നിന്നും ഭക്ഷണം കൊണ്ടുവരും. മീന്‍ കറി അമ്മയുമായി ഷെയര്‍ ചെയ്യും. ഇന്നും മമ്മൂക്ക വീട്ടില്‍ നിന്ന് കൊണ്ടുവരുന്ന മീന്‍ കറി അമ്മക്ക് ഓര്‍മ്മയുണ്ട്. ജീവിതത്തില്‍ കഴിച്ചിട്ടുള്ളതില്‍ വച്ച് ഏറ്റവും രുചികരമായത് എന്നാണ് അമ്മ പറയാറ് എന്നും മന്യ പറഞ്ഞു.
