മലയാളത്തിലെ മികച്ച അഭിനേത്രികളുടെ നിരയിലാണ് അനുമോള്‍. വേറിട്ട കഥാപാത്രങ്ങളും, കലാമൂല്യമുള്ള ചിത്രങ്ങളുമായി ചുരുങ്ങിയ കാലത്തിനിടെ താരം തന്റെ ഇടമുറപ്പിച്ചു. ഇപ്പോഴിതാ പഠനം കഴിഞ്ഞ് വീട്ടുകാര്‍ വേഗത്തില്‍ കല്യാണം കഴിപ്പിക്കുന്നതില്‍ നിന്ന് രക്ഷപ്പെടാന്‍ കണ്ടെത്തിയ മാര്‍ഗത്തെ കുറിച്ച് പറഞ്ഞിരിക്കുകയാണ് അനുമോള്‍.
“എനിക്ക് ഓരോ പ്രായത്തിലും ഓരോ ഇഷ്ടങ്ങളാണ്. പ്ലസ്ടു കഴിഞ്ഞ് ഒരു ആഗ്രഹവുമില്ലാത്ത അവസ്ഥയായിരുന്നു. ആ സമയത്ത് ഒരു വിചാരം മാത്രമേ ഉണ്ടായിരുന്നുള്ളു, കല്യാണം കഴിപ്പിക്കരുതെന്ന്. അപ്പോള്‍ ചിന്തിച്ചത് ഏറ്റവും ദൈര്‍ഘ്യമേറിയ മെഡിസിനെയും എഞ്ചിനിയറിങ്ങിനെയും പറ്റിയാണ്. മെഡിസിന് പാറ്റ, തവള അതൊക്കെ പെറുക്കി, അപ്പോള്‍ അത് ശരിയാവില്ല. പിന്നെയുള്ളത് എഞ്ചിനിയറിങ്ങാണ്. അങ്ങനെയാണ് എഞ്ചിനിയറിങ്ങ് പഠിച്ചത്.” കേരള കൗമുദിയുമായുള്ള അഭിമുഖത്തില്‍ അനുമോള്‍ പറഞ്ഞു.
Read more
മോളിവുഡിലെ ബോള്‍ഡ് ആന്‍റ് ബ്യൂട്ടിഫൂള്‍ നായികയാണ് അനു. ഇവന്‍ മേഘരൂപന്‍, അകം, വെടിവഴിപാട്, ചായില്യം തുടങ്ങിയ ചിത്രങ്ങളിലൂടെ ശ്രദ്ധേയയായ അനുമോളുടെ ഏറ്റവും പുതിയ ചിത്രമാണ് ഉടലാഴം, പാപം ചെയ്യാത്തവര്‍ കല്ലെറിയട്ടെ എന്നിവയാണ്.
