നടനും സംവിധായകനുമായ ബാലചന്ദ്ര മേനോൻ സോഷ്യൽ മീഡിയയിൽ പങ്കുവെച്ച ഒരു ചിത്രമാണ് ഇപ്പോൾ സിനിമാലോകത്തെ ചർച്ചാവിഷയം.
ഇന്റർ കോളജിയേറ്റ് നാടക മത്സരത്തിലെ വിജയ്ക്ക് ബാലചന്ദ്ര മേനോൻ പുരസ്കാരം നൽകുന്നതാണ് ചിത്രത്തിലുള്ളത്. പുരസ്കാരം ഏറ്റുവാങ്ങുന്ന വ്യക്തി ഇന്ന് ഏറെ പ്രശസ്തനാണെന്നും ബാലചന്ദ്ര മേനോൻ കുറിച്ചു.
“പണ്ട് പണ്ടൊരിക്കൽ ബാലചന്ദ്രമേനോൻ ആയ ഞാൻ ഒരു ഇന്റർ കോളജിയേറ്റ് നാടക മത്സരത്തിൽ മുഖ്യാതിഥി ആയി പങ്കെടുത്തു പോലും. തീർന്നില്ലാ, ആ മത്സരത്തിലെ വിജയിക്ക് ഒന്നാം സ്ഥാനക്കാരനുള്ള ട്രോഫി സമ്മാനിച്ചു പോലും. അമ്മയാണേ സത്യം ഈ നിമിഷങ്ങൾ ഒന്നും ഞാൻ ഇപ്പോൾ ഓർമിക്കുന്നില്ല.
എന്റെ കയ്യിൽ നിന്നു സമ്മാനം വാങ്ങുന്ന വിദ്യാർഥി ഇന്ന് അറിയപ്പെടുന്ന ഒരു കലാകാരനാണ് പോലും. അതേ, സിനിമയിൽ തന്നെ. ഒന്നു മാത്രം നിങ്ങൾക്കൊപ്പം പങ്കിടാൻ സന്തോഷമുണ്ട്. ഇപ്പോൾ ‘ഇതിയാൻ’ സംസാരവിഷയമാണെന്ന്. പിടി കിട്ടിയോ ? ഇല്ലെങ്കിൽ ഉത്തരം നാളെ ഇവിടെ, ഇതേ നേരം പ്രതീക്ഷിക്കുക.” എന്നാണ് ബാലചന്ദ്ര മേനോൻ ചിത്രത്തിന് അടിക്കുറിപ്പായി കുറിച്ചത്.
Read more
ഉടൻ തന്നെ പുരസ്കാരം ഏറ്റുവാങ്ങുന്ന വ്യക്തി ബ്ലെസ്സിയാണെന്ന് പറഞ്ഞുകൊണ്ടുള്ള കമന്റുകൾ വരാൻ തുടങ്ങി. നിരവധി പേരാണ് ബ്ലെസ്സിയെ ഫോട്ടോയിലൂടെ തന്നെ തിരച്ചറിഞ്ഞുകൊണ്ട് കമന്റുമായി എത്തിയത്.
